ന്യൂദല്ഹി: .ഇപ്പോള് കേരളത്തില് ബൂത്തുകള് മുതല് ദേശീയ തലത്തില് വരെ ക്രിസ്ത്യന് നേതാക്കള് ബിജെപിക്കുണ്ടെന്ന് പ്രധാനമന്ത്രി നരേന്ദ്രമോദി.കേരളത്തിലെ സഭകള് നേരിടുന്ന പ്രശ്നങ്ങളില് ഞങ്ങള് ആശങ്കയിലാണ്. എല്ഡിഎഫിന്റെയും യുഡിഎഫിന്റെയും നുണകളില് മടുത്തു കേരളത്തിലെ ക്രിസ്ത്യന് വിശ്വാസികള്. ഇരുകൂട്ടരും െ്രെകസ്തവരെ തമ്മിലടിപ്പിക്കുകയാണ്. എല്ലാ വിഭാഗങ്ങളെയും ചേര്ത്തുനിര്ത്തുന്ന രാഷ്ട്രീയ പ്രസ്ഥാനമാണ് ബിജെപിയെന്ന് ഏഷ്യാനെറ്റ് ന്യൂസിന് അനുവദിച്ച പ്രത്യേക അഭിമുഖത്തില് മോദി പറഞ്ഞു.
ഗോവയില് ക്രിസ്ത്യന് വിഭാഗങ്ങളുടെ പിന്തുണയോടെ ബിജെപി കാലങ്ങളായി ഭരിക്കുന്നു. വടക്കുകിഴക്കന് സംസ്ഥാനങ്ങളിലെ ബിജെപി സര്ക്കാരുകളില് മുഖ്യമന്ത്രിമാരും മന്ത്രിമാരും ക്രിസ്ത്യന് വിഭാഗത്തില് നിന്നാണ്. അവിടങ്ങളില് വലിയ തോതിലുള്ള ക്രിസ്ത്യന് വിഭാഗങ്ങളുടെ പിന്തുണയുണ്ട്. അവിടങ്ങളില് പിന്തുണ നല്കാത്ത ക്രിസ്ത്യന് വിഭാഗങ്ങളില്പ്പെട്ടവരെ കുറ്റപ്പെടുത്തുന്നില്ല, പകരം അവരെ കൂടി ചേര്ത്തുനിര്ത്താനുള്ള ശ്രമങ്ങളാണ് നടത്തുന്നതെന്നും മോദി പറഞ്ഞു.
ക്രിസ്ത്യന് നേതാക്കളും ബിഷപ്പുമാരും വര്ഷത്തില് അഞ്ചോ ആറോ വട്ടം തന്നെ സന്ദര്ശിക്കാറുണ്ടെന്നും പ്രധാനമന്ത്രി പറഞ്ഞു. വിവിധ സഭകള് തമ്മിലുള്ള പള്ളിത്തര്ക്കത്തില് ഇടപെടണം എന്ന് ബിഷപ്പുമാര് ആവശ്യപ്പെട്ടു. ആരോഗ്യവിദ്യാഭ്യാസ മേഖലകളില് വലിയ സംഭാവനകള് നല്കുന്നവരാണ് ക്രിസ്ത്യന് വിഭാഗങ്ങള്. മാര്പ്പാപ്പ അടുത്ത വര്ഷം ഇന്ത്യ സന്ദര്ശിക്കുമെന്നും നരേന്ദ്ര മോദി വ്യക്തമാക്കി.
ദക്ഷിണേന്ത്യന് സംസ്ഥാനങ്ങളില് ബിജെപിക്ക് പ്രചാരം വര്ധിക്കുകയാണ് എന്ന് പ്രധാനമന്ത്രി നരേന്ദ്ര മോദി. ദക്ഷിണേന്ത്യന് സംസ്ഥാനങ്ങളില് കൂടുതല് സീറ്റുകളും വോട്ട് ഷെയറും ലഭിക്കുമെന്നും ഏഷ്യാനെറ്റ് ന്യൂസിന് നല്കിയ പ്രത്യേക അഭിമുഖത്തില് അദ്ദേഹം പറഞ്ഞു. തെരഞ്ഞെടുപ്പ് കഴിഞ്ഞാല് രാഹുലിന് വയനാട് അല്ലാതെ മറ്റൊരു സീറ്റ് നോക്കേണ്ടിവരുമെന്നും മോദി പരിഹസിച്ചു.ബിജെപി ഉന്നത കുലജാതരുടെ പാര്ട്ടിയല്ലെന്ന് മോദി ചോദ്യത്തിനുത്തരമായി പറഞ്ഞു. ഏറ്റവും കൂടുതല് എസ്സി, എസ്ടി, ഒബിസി അംഗങ്ങളുള്ള പാര്ട്ടിയാണ് ബിജെപി. കേന്ദ്ര മന്ത്രിസഭയിലും ഒബിസി അംഗങ്ങളുടെ വലിയ പ്രാതിനിധ്യമുണ്ട്. ബിജെപി ഒരു നഗരകേന്ദ്രീകൃത പാര്ട്ടിയാണ് എന്നാണ് മറ്റൊരു പ്രചാരണം. ഗ്രാമീണരെ ഏറ്റവും കൂടുതല് ഉള്ക്കൊള്ളുന്ന പാര്ട്ടിയാണ് ബിജെപി. പരമ്പരാഗത പാര്ട്ടിയാണ് എന്നാണ് മറ്റൊരു പ്രചാരണം. എന്നാല് ഇന്ന് ഡിജിറ്റല് മുന്നേറ്റത്തെ മുന്നില് നിന്ന് നയിക്കുന്ന സര്ക്കാരാണ് ബിജെപിയുടേത്. തെറ്റായ പ്രചാരണങ്ങളാണ് ബിജെപിക്കെതിരെ നടക്കുന്നതെന്നും മോദി പറഞ്ഞു.
