മുംബയ്: ജസ്പ്രീത് ബുമ്രയെ കഴിഞ്ഞ ദിവസം അശുതോഷ് ശര്‍മ്മ സ്വീപ്പ് ചെയ്ത് സിക്‌സ് അടിച്ചത് അവിശ്വസനീയമെന്ന് സഹീര്‍ ഖാന്‍. ഇന്നലെ 28 പന്തില്‍ 61 റണ്‍സ് നേടിയ അശുതോഷ് ആകെ ഏഴ് സിക്‌സുകള്‍ അടിച്ചിരുന്നു. അതില്‍ ഒരെണ്ണം ബുമ്രയുടെ യോര്‍ക്കര്‍ സ്വീപ്പ് ചെയ്തുളളതായിരുന്നു.
ബുംറയെ സ്വീപ് ചെയ്ത ആ ഷോട്ട് മനോഹരമായിരുന്നു. നമ്മള്‍ കണ്ടിട്ടുള്ള ആര്‍ക്കും ബുംറയ്‌ക്കെതിരെ യോര്‍ക്കറില്‍ സ്വീപ്പ് ഷോട്ട് കളിക്കാന്‍ കഴിയില്ല. എന്നിട്ടും അശുതോഷ് അത് ചെയ്തു-” സഹീര്‍ ഖാന്‍ പറഞ്ഞു
ഈ സീസണില്‍ അശുതോഷ് നാല് മത്സരങ്ങളില്‍ നിന്ന് 205.26 സ്ട്രൈക്ക് റേറ്റില്‍ 156 റണ്‍സ് നേടിയിട്ടുണ്ട്. അശുതോഷും ശശാങ്കുമായുള്ള കൂട്ടുകെട്ട് സംബന്ധിച്ചും സഹീര്‍ ഖാന്‍ സംസാരിച്ചു.
ഈ മത്സരത്തില്‍ തിരിച്ചുവരാന്‍ പഞ്ചാബിന് ആകും എന്ന് ആരും കരുതിയിട്ടുണ്ടാകില്ല. എന്നാല്‍ അശുതോഷും ശശാങ്കും, അവിശ്വസനീയമായ രീതിയില്‍ ടീമിനെ മത്സരത്തിലേക്ക് തിരിച്ചെത്തിച്ചെന്ന് സഹീര്‍ ഖാന്‍ പറഞ്ഞു.
പ്രതികരിക്കാൻ ഇവിടെ എഴുതുക: