കോലഞ്ചേരിയിൽ റൂട്ട് മാർച്ച് നടത്തി കേന്ദ്രസേന

ആലുവ : ലോകസഭ ഇലക്ഷന്റെ മുന്നൊരുക്കങ്ങളുടെ ഭാഗമായി സി ആർ പി എഫും, പോലീസും സംയുക്തമായി കോലഞ്ചേരി പട്ടണത്തിൽ റൂട്ട് മാർച്ച് നടത്തി.

ജില്ലാ പോലീസ് മേധാവി ഡോ.വൈഭവ് സക്സേനയുടെ മേൽനോട്ടത്തിൽ നടന്ന മാർച്ച് തോന്നയ്‌ക്കഭാത്ത് നിന്നും ആരംഭിച്ച് നഗരം ചുറ്റി ബ്ലോക്ക് ജംഗ്ഷൻ പരിസരത്ത് സമാപിച്ചു.

നൂറോളം ഉദ്യോഗസ്ഥർ പങ്കെടുത്തു. ഡിവൈഎസ്പി വി.എ.നിഷാദ് മോൻ, സി.ആർ.പി.എഫ് സി – 97 ബറ്റാലിയൻ കമാണ്ടൻറ് ജാക്വിൻ സെനോ, പുത്തൻകുരിശ് ഇൻസ്പെക്ടർ അബ്ബാസ് അലി തുടങ്ങിയവർ നേതൃത്വം നൽകി. റൂറൽ ജില്ലയിലെ അഞ്ച് സബ്ഡിവിഷനുകളിലെയും തിരഞ്ഞെടുത്ത കേന്ദ്രങ്ങളിൽ മാർച്ചുണ്ടാകും.