സ്റ്റാഫ് കാർ ഡ്രൈവേഴ്സ് തസ്തികയിലേക്ക് അപേക്ഷ ക്ഷണിച്ച് തപാൽ വകുപ്പ്. ഓർഡിനറി ഗ്രേഡിലേക്കാണ് ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചിരിക്കുന്നത്. 19 ഒഴിവുകളിലേക്കാണ് നിയമനം. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് ഏഴാം ശമ്പള കമ്മീഷൻ പ്രകാരം ലെവൽ-2ൽ പ്രതിമാസ ശമ്പളം ലഭിക്കുന്നതായിരിക്കും.
അപേക്ഷകരുടെ പരമാവധി പ്രായപരിധി 56 വയസാണ്. ഉദ്യോഗാർത്ഥികൾക്ക് ലൈറ്റ്, ഹെവി മോട്ടോർ വാഹനങ്ങളുടെ ലൈസൻസ് ഉണ്ടായിരിക്കണം. കൂടാതെ മൂന്ന് വർഷം വാഹനമോടിച്ചുള്ള പരിചയവും ഉണ്ടായിരിക്കണം. അംഗീകൃത ബോർഡിൽ നിന്ന് പത്താം ക്ലാസ് പാസായ ഉദ്യോഗാർത്ഥികൾക്കാണ് അപേക്ഷിക്കാൻ അവസരം.
തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് നിയമനം തുടക്കത്തിൽ രണ്ട് വർഷത്തേക്ക് ഡെപ്യൂട്ടേഷൻ അടിസ്ഥാനത്തിലായിരിക്കും. യോഗ്യതാ മാനദണ്ഡങ്ങൾ പാലിക്കുന്ന ഉദ്യോഗാർത്ഥികൾക്ക് ഔദ്യോഗിക വിജ്ഞാപനത്തോടൊപ്പം നൽകിയിട്ടുള്ള അപേക്ഷാ ഫോം പൂരിപ്പിച്ച് സ്പീഡ് പോസ്റ്റിലൂടെയും രജിസ്റ്റേർഡ് പോസ്റ്റിലൂടെയും അപേക്ഷ സമർപ്പിക്കാം.
ഓഫീസ് ഓഫ് ചീഫ് പോസ്റ്റ്മാസ്റ്റർ ജനറൽ, ബീഹാർ സർക്കിൾ, പട്ന – 800001′ എന്ന വിലാസത്തിൽ സ്പീഡ് പോസ്റ്റിലൂടെയും രജിസ്റ്റർ ചെയ്ത പോസ്റ്റിലൂടെയും അപേക്ഷ സമർപ്പിക്കാവുന്നതാണ്. ഔദ്യോഗിക വിജ്ഞാപനം പുറപ്പെടുവിച്ച തീയതി മുതൽ 45 ദിവസത്തിനുള്ളിൽ അപേക്ഷാ ഫോം സമർപ്പിക്കണം.
