ജനക്ഷേമ പദ്ധതികൾ ആരംഭിക്കുന്നതിൽ രാജീവ് ചന്ദ്രശേഖറിന് നിർണായക പങ്ക്: പ്രൊഫ. വി.ടി. രമ

തിരുവനന്തപുരം: കേന്ദ്ര സർക്കാരിന്റെ ജനക്ഷേമ പദ്ധതികൾ ആവിഷ്കരിക്കുന്നതിൽ മോദിക്കൊപ്പം നിർണ്ണായ പങ്കുവഹിച്ചിരുന്ന മന്ത്രിയാണ് രാജീവ് ചന്ദ്രശേഖറെന്ന് ബി ജെ പി സംസ്ഥാന ഉപാദ്ധ്യക്ഷ പ്രൊഫ: വിടി.രമ പറഞ്ഞു.

വട്ടിയൂർകാവ് മണ്ഡലത്തിലെ വാഹന പര്യടനം ജാഥ കുണ്ടമൺ കടവ് ജംഗ്ഷനിൽ ഉദ്ഘാടനം ചെയ്ത് സംസാരിക്കുകയായിരുന്നു. ആരോഗ്യ മേഖലയെ ലോകോത്തരമാക്കാൻ രാജീവ് ചന്ദ്രശേഖർ നടത്തുന്ന പ്രയത്നം ശ്ലാഘനീയമാണ്. 15 വർഷമായി ഉറങ്ങുകയായിരുന്ന ഒരു എം.പി യും, വികസനത്തിനെതിരെ സമരം ചെയ്യുന്ന ഇടതുപക്ഷവുമാണ് തിരുവനന്തപുരത്തിന് ഉണ്ടായിരുന്നത്. മാറ്റം ജനങ്ങൾ തീരുമാനിച്ചു കഴിഞ്ഞു. അതിനാൽ രാജീവ് ചന്ദ്രശേഖറിന്റെ വിജയം സുനിശ്ചിതമാണെന്ന് അവർ പറഞ്ഞു.

മണ്ഡലം പ്രസിഡൻ്റ് പത്മകുമാർ അദ്ധ്യക്ഷനായി. കേരള കാമരാജ് കോൺഗ്രസ് സംസ്ഥാന വർക്കിംഗ് പ്രസിഡൻ്റ് ചൂഴാൽ നിർമ്മലൻ, ബി ജെ പി സംസ്ഥാന സമിതി അംഗം പി. അശോക് കുമാർ, പാച്ചല്ലൂർ അശോകൻ, തമ്പാനൂർ സതീഷ് തുടങ്ങിയവർ യോഗത്തിൽ പങ്കെടുത്തു
യുണെറ്റ്ഡ് നേഴ്സസ് അസോസിഷേന്റെ പിൻതുണ അറിയിച്ച് പ്രസിഡൻ്റ് ജാസ്മിൻഷാ, സെക്രട്ടറി സുദീബ് എംവി ,എന്നിവർ വേദിയിലെത്തി സ്ഥാനാർത്ഥിയെ സ്വീകരിച്ചു. ‘