തൃശൂര്: എന്തെങ്കിലും എതിര്പ്പുണ്ടെന്ന് കണ്ടാല് അപ്പോള് പാട്ട് പാടുന്നയാളാണ് ആലത്തൂരിലെ കോണ്ഗ്രസ് സ്ഥാനാര്ത്ഥി രമ്യ ഹരിദാസെന്ന് പരിഹസിച്ച് ബിജെപി നേതാവ് പത്മജ വേണുഗോപാല്. പാട്ട് പാടിയത് കൊണ്ട് ജനങളുടെ വയറ് നിറയില്ലെന്നും പത്മജ പറഞ്ഞു.
പിണറായി പറയുമ്പോള് കോണ്ഗ്രസ് സമരം നിര്ത്തിയില്ലെങ്കില് ഫയലു പൊങ്ങി വരും. ആദ്യത്തെ താമര വിരിയുന്നത് തൃശൂരിലായിരിക്കുമെന്നും പത്മജ പറഞ്ഞു.
ഏറ്റവും ശുദ്ധനായ മനുഷ്യനാണ് സുരേഷ് ഗോപി.തൃശൂരില് കെ. മുരളീധരന് മൂന്നാമതാകും. ചാണകം പൂജ്യമായ വസ്തുവാണ്. വിമര്ശിക്കുന്നവരുടെ മാതാപിതാക്കള് ചാണകത്തില് കിടന്നിട്ടില്ലെയന്നും പത്മജ ചോദിച്ചു.
ബിജെപിയും ഇടതുമുന്നണിയും തമ്മിലാണ് മല്സരം.തിരഞ്ഞെടുപ്പുഫലത്തിനുശേഷം കോണ്ഗ്രസില് പൊട്ടിത്തെറിയുണ്ടാകുമെന്ന് പറഞ്ഞ പത്മജ കെ.കരുണാകരന്റെ ആത്മാവിന്റെ പേരു പറഞ്ഞ് തന്നെ ആരും കുറ്റപ്പെടുത്തേണ്ടതില്ലെന്നും വ്യക്തമാക്കി.
