കോട്ടയം: ഒന്നര ലക്ഷത്തിലേറെ രൂപ വില വരുന്ന രണ്ട് ഐഫോണുകള് മോഷ്ടിച്ച കേസില് തമിഴ്നാട്ടിലെ ഒരു സഹകരണ ബാങ്കിന്റെ മാനേജരെ കുമളി പോലീസ് അറസ്റ്റ് ചെയ്തു. തിരുച്ചിറപ്പള്ളി സ്വദേശി ദീപക് മോഹന് (34) ആണ് അറസ്റ്റിലായത്. സുഹൃത്തുക്കള്ക്കൊപ്പം തേക്കടി സന്ദര്ശനത്തിന് എത്തിയപ്പോഴാണ് ഇയാള് മോഷണം നടത്തിയത്. മടങ്ങുന്നതിനിടെ തേക്കിടിയിലെ മൊബൈല് കടയില് ഫോണ് വാങ്ങാനെന്ന വ്യാജേന എത്തുകയും രണ്ട് ഐഫോണുകള് മോഷ്ടിക്കുകയുമായിരുന്നു. സിസിടിവി ദൃശ്യങ്ങള് പരിശോധിച്ചപ്പോഴാണ് കടയുടമ മോഷണ വിവരം അറിയുന്നത്. അതോടെ പൊലീസില് പരാതിപ്പെട്ടു. ഇയാളും സുഹൃത്തുക്കളും എത്തിയ വാഹനം നിരത്തിലെ സി.സി.ടിവിയിലും വ്യക്തമായി. ഇതേ തുടര്ന്ന് നടത്തിയ അന്വേഷണത്തിലാണ് തമിഴ് നാട്ടുകാരാണ് വാഹനത്തിലുണ്ടായിരുന്നതെന്ന് മനസിലായത്. തിരുച്ചിറപ്പള്ളിയിലെ വീട്ടില് നിന്നാണ് ഇയാളെ അറസ്റ്റ് ചെയ്തത്.
തേക്കടിയില് നിന്ന് ഐഫോണുകള് മോഷ്ടിച്ചത് ബാങ്ക് മാനേജര്, തിരുച്ചിറപ്പള്ളിയില് നിന്ന് അറസ്റ്റിലായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.