ലണ്ടന്‍: ത്രില്ലര്‍ ഗെയിമിനൊപ്പം കോള്‍ പാല്‍മറുടെ തകര്‍പ്പന്‍ ഹാട്രിക്കിന്റെ കൂടി ബലത്തില്‍ മാഞ്ചസ്റ്റര്‍ യുണൈറ്റഡിനെ ചെല്‍സി തോല്‍പ്പിച്ചു. യുണൈറ്റഡിന്റെ മൂന്നിനെതിരെ നാല് ഗോളുകള്‍ നേടിക്കൊണ്ടാണ് ചെല്‍സിയുടെ തകര്‍പ്പന്‍ വിജയം.
കളി ഇന്‍ജുറി ടൈമിലേക്ക് പിരിയുമ്പോള്‍ യുണൈറ്റഡ് 3-2ന് മുന്നിലായിരുന്നു. 90+10ാം മിനിറ്റില്‍ ലഭിച്ച പെനല്‍റ്റി പാല്‍മര്‍ ലക്ഷ്യത്തിലെത്തിച്ചു. സെക്കന്‍ഡുകള്‍ക്കുള്ളില്‍ മറ്റൊരു ഗോള്‍ കൂടി പെടച്ച് ചെല്‍സി വിജയഗോള്‍ കണ്ടെത്തി.
കളിയുടെ തുടക്കത്തിലേ കൊണോര്‍ ഗല്ലഘെറിലൂടെ ചെല്‍സി ആദ്യ ഗോള്‍ നേടി. കളിക്ക് നാല് മിനിറ്റെത്തിയപ്പോഴായിരുന്നു ഈ ഗോള്‍. 19-ാം മിനിറ്റില്‍ ലഭിച്ച പെനല്‍റ്റി വലയിലെത്തിച്ച് കോള്‍ പാല്‍മര്‍ തുടങ്ങി. 34-ാം മിനിറ്റില്‍ അലെയാന്ദ്രോ ഗര്‍ണാച്ചോയുടെ ഗോളില്‍ യുണൈറ്റഡ് തിരിച്ചടിച്ചു. രണ്ട് മിനിറ്റിനകം ബ്രൂണോ ഫെര്‍ണാണ്ടസിലൂടെ ചെല്‍സിക്കൊപ്പമെത്തി. കളി ആദ്യ പകുതി 2-2ല്‍ പിരിഞ്ഞു.
രണ്ടാം പകുതിയില്‍ കളിക്ക് 67 മിനിറ്റായപ്പോള്‍ യുണൈറ്റഡ് അലെയാന്ദ്രൊ ഗര്‍ണാച്ചോയിലൂടെ മുന്നിലെത്തി. ഇതിനെതിരെയാണ് ചെല്‍സി ഇന്‍ജുറി ടൈമില്‍ രണ്ട് ഗോളുകള്‍ നേടി കളിപ്പിടിച്ചടക്കിയത്. ലീഗില്‍ ആറാമതാണ് യുണൈറ്റഡ് ചെല്‍സി പത്താം സ്ഥാനത്തും.
പ്രതികരിക്കാൻ ഇവിടെ എഴുതുക: