കൊച്ചി:കരുവന്നൂര് കള്ളപ്പണക്കേസില് സിപിഎം തൃശൂര് ജില്ലാ സെക്രട്ടറി എം എം വര്ഗീസ് 5 ാം തീയതി ഹാജരാകണമെന്ന് വീണ്ടും നോട്ടീസ് നല്കി ഇ ഡി. ഈ മാസം 26ന് ശേഷം ഹാജരാകാം എന്നായിരുന്നു വര്ഗീസ് ഇഡിയെ അറിയിച്ചത്. എന്നാല്, എം എം വര്ഗീസ് സ്ഥാനാര്ത്ഥിയോ ഔദ്യോഗിക ചുമതല വഹിക്കുന്ന ആളോ അല്ലെന്നാണ് ഇ ഡി നിരീക്ഷിച്ചത്. അതിനാല് വര്ഗീസിന്റെ ആവശ്യം അംഗീകരിക്കാന് ആകില്ലെന്നാണ് ഇ ഡി നിലപാട്.
കരുവന്നൂര് സഹകരണ ബാങ്ക് കള്ളപ്പണക്കേസില് അന്വേഷണ റിപ്പോര്ട്ട് ഇഡി ആവശ്യപ്പെട്ടെങ്കിലും എം എം വര്ഗീസ് കൈമാറിയില്ല. കേസിലെ മുഖ്യപ്രതികളില് ഒരാളായ സതീഷ് കുമാറുമായി ബിജു സാമ്പത്തിക ഇടപാടുകള് നടത്തിയതായി ഇ ഡി കണ്ടെത്തിയിട്ടുണ്ട്. കരുവന്നൂരില് നിന്ന് തട്ടിയെടുത്ത പണമാണ് ഇതെന്നാണ് ഇഡി ഉദ്യോഗസ്ഥര് പറയുന്നത്. കൂടുതല് നേതാക്കളെ ചോദ്യം ചെയ്യാനാണ് ഇഡി നീക്കം.
മുന് എംപി പി കെ ബിജു, സിപിഎം തൃശൂര് കോര്പറേഷന് കൗണ്സിലര് പി കെ ഷാജന് എന്നിവരോട് ചോദ്യം ചെയ്യലിന് ഹാജരാകാന് ഇഡി ഇന്നലെ നോട്ടീസ് നല്കി. ബിജുവിനോട് വ്യാഴാഴ്ചയും ഷാജനോട് വെള്ളിയാഴ്ചയും ഹാജരാകണമെന്നാണ് ആവശ്യപ്പെട്ടിട്ടുളളത്.കരുവന്നൂര് തട്ടിപ്പ് അന്വേഷിക്കാന് സിപിഎം നിയോഗിച്ച അന്വേഷണ സമിതി അംഗങ്ങളാണ് ഇവര്.
