കോട്ടയം മെഡിക്കൽ കോളേജിന് മുന്നിലൂടെയുള്ള ഗതാഗതം നിരോധിച്ചു; നാളെ മുതൽ ആംബുലൻസ് ഉൾപ്പെടെ പോകേണ്ടത് ആർപ്പൂക്കര ബസ് സ്റ്റാൻഡിലൂടെ

കോട്ടയം: കോട്ടയം മെഡിക്കൽ കോളേജിന് മുൻവശത്ത് ഭൂഗർഭ പാതയുടെ നിർമ്മാണ പ്രവർത്തനങ്ങൾ നടക്കുന്നതിനാൽ ഗതാഗത നിയന്ത്രണം. ഏപ്രിൽ രണ്ട് മുതൽ ആർപ്പുക്കര അമ്മഞ്ചേരി റോഡിൽ മെഡിക്കൽ കോളേജിന് മുൻ ഭാഗത്ത് കൂടിയുള്ള വാഹന ഗതാഗതമാണ് പൂർണമായി നിരോധിച്ചിരിക്കുന്നത്.

നിർമ്മാണ പ്രവർത്തനങ്ങൾ പൂർണമായും പൂർത്തിയാകുന്നത് വരെ ഇതു വഴി വാഹനങ്ങൾ കടത്തി വിടില്ലെന്ന് അധികൃതർ അറിയിച്ചു.ഈ റൂട്ടിൽ പോകേണ്ട പൊതുവാഹനങ്ങൾ, ആംബുലൻസ് എന്നിവ ആർപ്പുക്കര ബസ് സ്റ്റാൻഡിന്റെ ഉള്ളിലൂടെയും മറ്റ് ചെറു വാഹനങ്ങൾ കുടമാളൂർ മാന്നാനം റോഡിലൂടെയും പേകണമെന്ന് അധികൃതർ വ്യക്തമാക്കി.