ഇടുക്കി: ക്ഷേമ പെന്ഷന് മുടങ്ങിയതിനെ തുടര്ന്ന് വണ്ടിപ്പെരിയാറില് റോഡില് കസേരയിട്ട് പ്രതിഷേധിച്ച 90വയസുളള പൊന്നമ്മ മരിച്ചു. വാര്ധക്യസഹജമായ അസുഖങ്ങളെ തുടര്ന്ന് ഞായറാഴ്ച ഉച്ചയ്ക്ക് രണ്ട് മണിയോടെയായിരുന്നു മരണം.
അഞ്ച് മാസമായി പെന്ഷന് മുടങ്ങിയതിനെ തുടര്ന്ന് ഫെബ്രുവരി എട്ടിനായിരുന്നു പൊന്നമ്മ വ്യത്യസ്തമായ സമരം ചെയ്തത്.മരുന്നും വീട്ടുസാധനങ്ങളും വാങ്ങാന് പണമില്ലാതായതോടെ റോഡില് കസേരയിട്ട് ഒരു മണിക്കൂറോളം സമരം ചെയ്തു.പിന്നീട് പൊലീസെത്തിയാണ് ഇവരെ അനുനയിപ്പിച്ച് റോഡില് നിന്ന് നീക്കിയത്. പൊന്നമ്മ നിത്യരോഗിയാണ്.
മസ്റ്ററിംഗ് പൂര്ത്തായാക്കാതിരുന്നതും ആനുകൂല്യങ്ങള് കിട്ടുന്നതിന് വിഘാതമായിരുന്നു. ഏറെ അവശതയുള്ള ആളുടെ വീട്ടിലെത്തി മസ്റ്ററിംഗ് നടപടി പൂര്ത്തിയാക്കണമെന്നും അന്ന് ആവശ്യമുയര്ന്നിരുന്നു.
പിന്നീട് മസ്റ്ററിംഗ് പൂര്ത്തിയാക്കിയെങ്കിലും വരുമാന സര്ട്ടിഫിക്കറ്റ് ഹാജരാക്കാത്തത് പെന്ഷന് കിട്ടാന് തടസമായി.വരുമാന സര്ട്ടിഫിക്കറ്റ് ഹാജരാക്കിയപ്പോള് ഒരു മാസത്തെ പെന്ഷന് കിട്ടി. ആറ് മാസത്തെ പെന്ഷന് ലഭിക്കാന് ബാക്കിയുണ്ടായിരുന്നു.
