ഇറ്റാനഗർ: താനും ഡെപ്യൂട്ടി ചൗന മെയിനും ഉൾപ്പെടെ 10 ബിജെപി സ്ഥാനാർത്ഥികളെ എതിരില്ലാതെ തിരഞ്ഞെടുത്തതിന് സംസ്ഥാനത്തെ ജനങ്ങൾക്ക് നന്ദി അറിയിച്ച് അരുണാചൽ പ്രദേശ് മുഖ്യമന്ത്രി പേമ ഖണ്ഡു. പ്രധാനമന്ത്രി നരേന്ദ്ര മോദിയുടെ കാഴ്ചപ്പാടിലുള്ള വിശ്വാസത്താലാണ് ഇത് സാധ്യമായതെന്ന് അദ്ദഹേം പറഞ്ഞു.
10 ബിജെപി സ്ഥാനാർത്ഥികൾ തിരഞ്ഞെടുക്കപ്പെട്ടതോടെ അരുണാചൽ പ്രദേശ് തിരഞ്ഞെടുപ്പ് ചരിത്രത്തിൽ മഹത്തായ ഒരു അദ്ധ്യായം രചിച്ചതായും ഖണ്ഡു പറഞ്ഞു. ഒരു നല്ല നാളെയ്ക്കായി തങ്ങൾ ഏവരും പ്രയത്നിക്കുമെന്നും അദ്ദേഹം ഉറപ്പ് നൽകി.
“ഞങ്ങളുടെ സ്ഥാനാർത്ഥികൾക്ക് മികച്ച പിന്തുണ ലഭിച്ച എല്ലാ നിയമസഭാ മണ്ഡലങ്ങളിലെയും ജനങ്ങളോട് ഞാൻ നന്ദിയുള്ളവനാണ്, പ്രത്യേകിച്ച് നല്ലൊരു നാളെക്കായുള്ള പ്രധാനമന്ത്രി നരേന്ദ്ര മോദിയുടെ കാഴ്ചപ്പാടിലുള്ള വിശ്വാസത്തിന്,”- അദ്ദേഹം പറഞ്ഞു.
