ഗുവാഹത്തി: ലോകകപ്പ് യോഗ്യത റൗണ്ടിലെ നിര്‍ണായക മത്സരത്തില്‍ പരാജയമേറ്റു വാങ്ങി ഇന്ത്യ .ഇന്നത്തെ മത്സരത്തില്‍ അഫ്ഗാനിസ്ഥാനോട് 2-1നാണ് പരാജയപ്പെട്ടത്.
തുടക്കത്തില്‍ ഒരു ഗോളിന് മുന്നില്‍ നിന്ന ശേഷമാണ് ഇന്ത്യ തോറ്റത്.എന്നാല്‍ ഇന്ന് തുടക്കത്തില്‍ നന്നായി കളിച്ച ഇന്ത്യക്ക് രണ്ടാം പകുതിയിലാണ് അടിതെറ്റിയത്. മത്സരത്തിന്റെ 38ാം മിനിറ്റില്‍ ലഭിച്ച പെനാല്‍റ്റി ഇന്ത്യന്‍ ക്യാപ്റ്റന്‍ സുനില്‍ ഛേത്രി ലക്ഷ്യത്തില്‍ എത്തിച്ചു.
സുനില്‍ ഛേത്രിയുടെ 150ാം മത്സരമായിരുന്നു ഇത്.ആദ്യ പകുതി ഇന്ത്യ 1-0ന്റെ ലീഡില്‍ അവസാനിപ്പിച്ചു.രണ്ടാം പകുതിയില്‍ 70ാം മിനുട്ടില്‍ അക്ബറി ആണ് അഫ്ഗാനായി സമനില ഗോള്‍ നേടിയത്.
87ാം മിനുട്ടില്‍ ഗോള്‍ കീപ്പര്‍ ഗുര്‍പ്രീതീന്റെ ഫൗള്‍ അഫ്ഗാനിസ്ഥാനനുകൂലമായി പെനാള്‍ട്ടി നല്‍കി. മുഖമ്മദ് പന്ത് ലക്ഷ്യത്തില്‍ എത്തിച്ച് അഫ്ഗാനിസഥാന് ലീഡ് നല്‍കി.
ഈ പരാജയത്തോടെ ഇന്ത്യ നാല് മത്സരങ്ങളില്‍ നിന്ന് നാല് പോയിന്റുമായി പിന്നിലാണ്.അഫ്ഗാനിസ്ഥാന് ഇത് ഗ്രൂപ്പിലെ ആദ്യ വിജയമാണ്. ഇന്ത്യക്ക് ഇനി മൂന്നാം റൗണ്ടിലേക്ക് എത്തുക എളുപ്പമാകില്ല.
സൗദി അറേബ്യയില്‍ നടന്ന അഫ്ഗാനെതിരായ കഴിഞ്ഞ മത്സരത്തില്‍ ഗോള്‍രഹിത സമനില വഴങ്ങിയിരുന്നു ഇന്ത്യ
പ്രതികരിക്കാൻ ഇവിടെ എഴുതുക