ഇസ്ലാമബാദ്: ചൈനക്കാര്ക്ക് പാകിസ്ഥാനില് വീണ്ടും ഭീഷണി ഉയര്ത്തി ചാവേറാക്രമണം. അഞ്ച് ചൈനക്കാരും വാഹനത്തിന്റെ ഡ്രൈവറും ഉഗ്രബോംബ് സ്ഫോടനത്തില് കൊല്ലപ്പെട്ടു.
ഇസ്ലാമബാദില് നിന്നും ഖൈബര് പഖ്തൂണ് ഖ്വായിലേക്ക് പോയ ചൈനീസ് എഞ്ചിനീയര്മാരാണ് കൊല്ലപ്പെട്ടത്. ചൈനീസ് വാഹനത്തിലേക്ക് ചാവേറായി പ്രവര്ത്തിച്ച യുവാവ് സ്ഫോടകവസ്തുക്കള് നിറച്ച വാഹനം ഇടിച്ചുകയറ്റിയാണ് സ്ഫോടനം നടത്തിയത്.
പാകിസ്ഥാിലെ ഖൈബര് പഖ്തൂണ്ക്വായിലെ ദസുവില് ചൈനക്കാര് ഒരു വലിയ അണക്കെട്ട് നിര്മ്മിച്ചുകൊണ്ടിരിക്കുകയാണ്. ഇവിടെ ചൈനക്കാരായ എഞ്ചീനയര്മാര്ക്കെതിരായ ചാവേറാക്രമണം ഇതാദ്യമല്ല. ബലൂചിസ്ഥാന് ലിബറേഷന് ആര്മിയില് പെട്ടവരാണ് ആക്രമണം നടത്തിയത്. പാകിസ്ഥാനില് ചൈനക്കാര് ബിസിനസ് സ്ഥാപിക്കുന്നതില് ബലൂചിസ്ഥാന് ലിബറേഷന് ആര്മിക്ക് കടുത്ത അമര്ഷമുണ്ട്.
