കൊച്ചി :വീട്ടമ്മ തലയ്ക്കടിയേറ്റ് കൊല്ലപ്പെട്ട നിലയില്‍ . കോതമംഗലം കള്ളാടിന് സമീപമാണ് കൊലപാതകം.
ചെങ്ങമനാട്ട് ഏലിയാസിന്റെ ഭാര്യ സാറാമ്മ (72) യാണ് മരിച്ചത്. ഉച്ചയ്‌ക്ക് ഒന്നരയ്‌ക്കും മൂന്നരയ്‌ക്കും ഇടയിലാണ് കൊലപാതകം നടന്നതെന്നാണ് നിഗമനം. ഈ സമയം സാറാമ്മ വീട്ടില്‍ തനിച്ചായിരുന്നു.
ജോലി കഴിഞ്ഞ് മൂന്നരയോടെ വീട്ടില്‍ മടങ്ങിയെത്തിയ മരുമകളാണ് സാറാമ്മയെ വീടിനകത്ത് മരിച്ച നിലയില്‍ കണ്ടെത്തിയത്.ഇവര്‍ ധരിച്ചിരുന്ന സ്വര്‍ണാഭരണങ്ങള്‍ നഷ്ടപ്പെട്ടിട്ടുണ്ട്. സംഭവത്തില്‍ കോതമംഗലം പൊലീസ് അന്വേഷണം തുടങ്ങി.
