സൂറിച്ച്: നീണ്ട ഇടവേളയ്‌ക്ക് ശേഷം ഭാരത പുരുഷ സിംഗിള്‍സ് ടെന്നിസ് താരം കിഡംബി ശ്രീകാന്ത് സെമി ഫൈനലില്‍. സ്വിസ്സ് ഓപ്പണ്‍ ബാഡ്മിന്റണ്‍ ക്വാര്‍ട്ടറില്‍ ചൈനിസ് തായ്‌പേയ് താരം കിയാ ഹോ ലീയെ തോല്‍പ്പിച്ചാണ് ശ്രീയുടെ സെമി പ്രവേശം. നേരിട്ടുള്ള ഗെയിമുകള്‍ക്ക് തകര്‍പ്പന്‍ ജയമാണ് ഭാരത താരം സ്വന്തമാക്കിയത്. സ്‌കോര്‍: 21-10, 21-14
2021ലെ ലോക ബാഡ്മിന്റണ്‍ ചാമ്പ്യന്‍ഷിപ്പില്‍ വെള്ളി മെഡല്‍ ജേതാവായ ശ്രീകാന്ത് ഏറെ ഇടയ്‌ക്ക് മങ്ങിയ ഫോമിലായിരുന്നു. ഇക്കൊല്ലം ശ്രീയുടെ എട്ടാമത്തെ ടൂര്‍ണമെന്റാണിത്. ഇതിന് മുമ്പ് താരം സെമിയിലെത്തിയത് 2022 നവംബറില്‍ ഹൈലോ ഓപ്പണിലാണ്.
ഇന്നലത്തെ മത്സരത്തില്‍ വെറും 35 മിനിറ്റില്‍ ശ്രീകാന്ത് കളി വിജയിച്ചു. സെമിയില്‍ ചൈനീസ് തായ്‌പേയിയുടെ തന്നെ ലിന്‍ ചുന്‍ ചി ആണ് എതിരാളി.
ഭാരതത്തിന്റെ മറ്റ് സിംഗിള്‍സ് താരങ്ങളായ കൊച്ചിക്കാരന്‍ കിരണ്‍ ജോര്‍ജ്, പ്രിയാന്‍ഷു രജാവത്ത് എന്നിവര്‍ ക്വാര്‍ട്ടറില്‍ തോറ്റ് പുറത്തായി. ഡെന്‍മാര്‍ക്കിന്റെ കരുത്തന്‍ താരം റാസ്മസ് ഗംകെയോട് നല്ല പോരാട്ടം കാഴ്‌ച്ചവച്ചാണ് കിരണ്‍ കീഴടങ്ങിയത്. സ്‌കോര്‍: 2321, 1721, 1521.
ക്വാര്‍ട്ടറില്‍ കടന്ന പ്രിയാന്‍ഷുവിനെ ചൂ ടിയെന്‍ ഷെന്‍ ആണ് പരാജയപ്പെടുത്തിയത്. നേരിട്ടുള്ള ഗെയിമിനായിരുന്നു താരത്തിന്റെ തോല്‍വി. സ്‌കോര്‍: 15-21, 19-21.
പ്രതികരിക്കാൻ ഇവിടെ എഴുതുക: