കൊല്‍ക്കത്ത: ക്രിക്കറ്റിന്റെ മൂന്ന് ഫോര്‍മാറ്റിലെയും ലോക ചാമ്പ്യന്‍ഷിപ്പ് സ്വന്തമാക്കിയ നായകന്‍ പാറ്റ് കമ്മിന്‍സ് നയിക്കുന്ന സണ്‍റൈസേഴ്‌സ് ഹൈദരാബാദ് ഇന്ന് ഇത്തവണത്തെ ഐപിഎലിലെ ആദ്യ മത്സരത്തിനിറങ്ങുന്നു. മുന്‍പ് രണ്ട് തവണ ജേതാക്കളായ കൊല്‍ക്കത്ത നൈറ്റ് റൈഡേഴ്‌സ് ആണ് എതിരാളികള്‍. ശ്രേയസ് അയ്യര്‍ ആണ് ടീമിനെ നയിക്കുക.
രാത്രി ഏഴരയ്ക്ക് കൊല്‍ക്കത്തയുടെ ഹോം മൈതാനമായ ഈഡന്‍ ഗാര്‍ഡന്‍സ് സ്‌റ്റേഡിയത്തിലാണ് മത്സരം. ഇത്തവണത്തെ താരലേലത്തില്‍ ഐപിഎലിന്റെ ചരിത്രത്തില്‍ ആദ്യമായി 20 കോടി രൂപ ലേലം കിട്ടിയ താരവും റിക്കാര്‍ഡ് തുക നേടിയ താരവും കളത്തിലിറങ്ങുന്നുവെന്ന പ്രത്യേകത ഇന്നത്തെ മത്സരത്തിനുണ്ട്.
എസ് ആര്‍ എച്ച് പാറ്റ് കമ്മിന്‍സിനെയാണ് 20 കോടിക്ക് മേല്‍ തുക നല്‍കി താരലേലത്തില്‍ വിളിച്ചെടുത്തത്. അതേ റിക്കാര്‍ഡ് മറികടന്ന് 24 കോടി രൂപയ്‌ക്ക് ഓസ്‌ട്രേലിയന്‍ പേസ് ബൗളര്‍ മിച്ചല്‍ സ്റ്റാര്‍ക്ക് ചരിത്രത്തിലെ ഏറ്റവും വലിയ റിക്കാര്‍ഡ് തുക സ്വന്തമാക്കി. കൊല്‍ക്കത്ത ആണ് താരത്തേ നേടിയത്.
പ്രതികരിക്കാൻ ഇവിടെ എഴുതുക: