പത്തനംതിട്ട : എല്ഡിഎഫ് സ്ഥാനാര്ത്ഥി തോമസ് ഐസക്ക് സര്ക്കാര് സംവിധാനങ്ങളെ ദുരുപയോഗം ചെയ്ത് തെരഞ്ഞെടുപ്പ് പ്രചാരണം നടത്തുന്നതായി പരാതി. ഹരിതസേന, കുടുംബശ്രീ തുടങ്ങിയവയെ ഉള്പ്പെടെ പ്രചാരണത്തിനായി ഉപയോഗിക്കുന്നുവെന്ന് ആരോപിച്ച് യുഡിഎഫ് ജില്ലാ കളക്ടര്ക്ക് പരാതി നല്കി.
കേരള സര്ക്കാര് സ്ഥാപനമായ കെ ഡെസ്ക്കിലെ ജീവനക്കാരെ തെരഞ്ഞെടുപ്പ് പ്രചാരണത്തിനായി ഉപയോഗിക്കുന്നു എന്നും പരാതിയുണ്ട്. യുഡിഎഫ് ജില്ലാ ചെയര്മാനാണ് തെരഞ്ഞെടുപ്പ് വരണാധികാരി കൂടിയായ ജില്ലാ കളക്ടര്ക്ക് പരാതി നല്കിയത്.
കെ ഡസ്ക്ക് പ്രവര്ത്തകരെ തൊഴില് നൈപുണ്യ പരിശീലനം എന്ന വ്യാജേന തോമസ് ഐസക്കിന്റെ പ്രചാരണത്തിന് വേണ്ടി ജില്ലയിലെ മുഴുവന് നിയോജക മണ്ഡലങ്ങളിലും ഉപയോഗിക്കുകയാണെന്നും യുഡിഎഫിന് പരാതിയുണ്ട്.എന്നാല് പരാജയഭീതിയാലാണ് യുഡിഎഫ് വ്യാജ പരാതികള് ഉന്നയിക്കുന്നതെന്നാണ് ഇടതുപക്ഷത്തിന്റെ വാദം.
