ന്യൂദല്‍ഹി : ലോക്‌സഭാ തെരഞ്ഞെടുപ്പില്‍ മത്സരിക്കുന്ന സ്ഥാനാര്‍ത്ഥികളുടെ നാലാം പട്ടിക ബി ജെ പി പുറത്തിറക്കി. കേരളത്തില്‍ സ്ഥാനാര്‍ഥികളെ പ്രഖ്യാപിക്കാത്ത നാലു മണ്ഡലങ്ങള്‍ ഒഴിച്ചിട്ടാണ് പട്ടിക പുറത്തിറക്കിയത്. തമിഴ്‌നാട്ടിലെയും പുതുച്ചേരിയിലെയും സ്ഥാനാര്‍ഥികളാണ് ഇന്നു പുറത്തിറക്കിയ പത്രികയില്‍ ഉള്‍പ്പെട്ടിരിക്കുന്നത്. നടി രാധിക ശരത്കുമാര്‍ വിരുതനഗറില്‍ മത്സരിക്കും.
രാധികയുടെ ഭര്‍ത്താവും നടനുമായ ശരത്കുമാര്‍ ബിജെപിയില്‍ ചേര്‍ന്നിരുന്നു. രാധികയെ കൂടാതെ തമിഴ്‌നാട്ടിലെ 14 സ്ഥാനാര്‍ഥികളെയും പ്രഖ്യാപിച്ചു. പുതുച്ചേരിയില്‍ എ.നമശിവായമാണ് ബിജെപി സ്ഥാനാര്‍ഥി.
നേരത്തെ പുതുച്ചേരി പ്രദേശ് കോണ്‍ഗ്രസ് കമ്മിറ്റിയുടെ പ്രസിഡന്റായിരുന്ന എ.നമശിവായം 2001ല്‍ പാര്‍ട്ടിയില്‍ നിന്നും പുറത്താക്കപ്പെട്ടതിനു പിന്നാലെയാണ് ബിജെപിയില്‍ എത്തിയത്.
കൊല്ലം,ഇടുക്കി,ആലത്തൂര്‍, വയനാട് തുടങ്ങിയ മണ്ഡലങ്ങളിലെ ബിജെപി സ്ഥാനാര്‍ത്ഥികളുടെ പേരുകളാണ് ഇനി പ്രഖ്യാപിക്കാനുളളത്.
പ്രതികരിക്കാൻ ഇവിടെ എഴുതുക: