ന്യൂദല്ഹി: അരവിന്ദ് കെജ്രിവാളിന്റെ അറസ്റ്റിനു പിന്നാലെ കെജ്രിവാളിനെയും അണ്ണാ ഹസാരെയെയും കുറ്റപ്പെടുത്തി മുന് രാഷ്ടപതി പ്രണബ് മുഖര്ജിയുടെ മകള് ശര്മിഷ്ഠ മുഖര്ജി. ‘കര്മഫല’മാണ് കെജ്രിവാള് ഇപ്പോള് അനുഭവിക്കുന്നതെന്ന് അവര് എക്സില് കുറിച്ചു.
മുന് ഡല്ഹി മുഖ്യമന്ത്രിയും കോണ്ഗ്രസ് നേതാവുമായിരുന്ന ഷീല ദീക്ഷിതിനെതിരെ നിരുത്തരവാദപരവും അടിസ്ഥാരഹിതവുമായ ആരോപണങ്ങളാണ് അണ്ണാ ഹസാരയും കെജ്രിവാളും ഉന്നയിച്ചിരുന്നതെന്ന് ശര്മിഷ്ഠ മുഖര്ജി ആരോപിച്ചു. ഇതിന്റെ ഫലമാണ് ഇപ്പോള് കെജ്രിവാള് അനുഭവിക്കുന്നതെന്നും അവര് പറഞ്ഞു.ഷീലാ ദീക്ഷിത്തിനെതിരെ നിരവധി തെളിവുകളുണ്ടെന്ന് അന്ന് അവകാശവാദമുന്നയിച്ചവര് പൊതുജനത്തിനു മുന്നില് തെളിവുകളൊന്നും ഹാജരാക്കിയില്ലെന്ന് അവര് ചൂണ്ടിക്കാട്ടി. ആരോപണങ്ങളുന്നയിച്ചവര് ഇപ്പോള് അതേ നടപടി നേരിടുകയാണെന്നും ശര്മിഷ്ഠ മുഖര്ജി പറഞ്ഞു
