സുല്‍ത്താന്‍ ബത്തേരി: വിദേശരാജ്യങ്ങളിലേക്ക് ജോലി വാഗ്ദാനം ചെയ്ത് പണം തട്ടിയെന്ന പരാതിയയെ തുടര്‍ന്ന് കലാഭവന്‍ സോബി ജോര്‍ജിനെ (56) അറസ്റ്റ് ചെയ്തു. കഴിഞ്ഞ ദിവസം ബത്തേരി പൊലീസ് കൊല്ലത്ത് വച്ചാണ് സോബിയെ അറസ്റ്റ് ചെയ്ത ത്. വയനാട്ടില്‍ ആറ് കേസുകള്‍ ഉള്‍പ്പെടെ സംസ്ഥാനത്ത് 26 കേസുകളാണ് സോബിക്കെതിരെയുള്ളതെന്ന് പൊലീസ് പറഞ്ഞു.
സ്വിറ്റ്‌സര്‍ലാന്റിലും മറ്റ് വിദേശ രാജ്യങ്ങളിലും ജോലി വാഗ്ദാനം നല്‍കി ലക്ഷങ്ങള്‍ തട്ടിയെന്നാണ് പരാതി. പുല്‍പ്പള്ളി സ്വദേശിനിയുടെ പരാതിയിലാണ് ിയാളെ അറസ്റ്റ് ചെയ്തത്. പുല്‍പ്പള്ളി സ്വദേശിനിക്ക് വിസ വാഗ്ദാനം ചെയ്ത് മൂന്ന് ലക്ഷം രൂപയാണ് മൂന്ന് വര്‍ഷം മുമ്പ് സോബി തട്ടിയെടുത്തത്.
നിരവധി ചേക്ക് കേസുകളിലും പ്രതിയാണ് സോബി. വയനാട്ടില്‍ നിന്ന് മാത്രം 25 ലക്ഷം രൂപ ഇയാള്‍ തട്ടിയതായാണ് നിഗമനം. സോബി സഞ്ചരിച്ചിരുന്ന ബെന്‍സ് കാറും പൊലീസ് കസ്റ്റഡിയിലെടുത്തു.
എന്നാല്‍, ബാലഭാസ്‌കര്‍ കേസുമായി ബന്ധപ്പെട്ട് നല്‍കിയ മൊഴിയില്‍ ഉറച്ചുനില്‍ക്കുന്നുവെന്നവും കഴിഞ്ഞദിവസം സിബിഐക്ക് മൊഴി നല്‍കിയതിന്റെ പരിണിതഫലമാണ് നിലവിലെ കേസുകളെന്നും സോബി പറഞ്ഞു.
പ്രതികരിക്കാൻ ഇവിടെ എഴുതുക: