തിരുവനന്തപുരം: തിരഞ്ഞെടുപ്പ് പ്രഖ്യാപന വന്നതിനു ശേഷമുള്ള ആദ്യ ദിവസം എന്‍ഡിഎ സ്ഥാനാര്‍ത്ഥി രാജീവ് ചന്ദ്രശേഖര്‍ പ്രചരണത്തിന് തുടക്കമിട്ടത് വെള്ളയമ്പലം ലാറ്റിന്‍ കാത്തലിക് ആര്‍ച്ച് ബിഷപ്പ് തോമസ് ജസൈയന്‍ നെറ്റോയുമായുള്ള കൂടിക്കാഴ്ചയോടെയായിരുന്നു. സഭ അഭിമുഖീകരിക്കുന്ന പ്രശ്‌നങ്ങള്‍ ഈ കൂടിക്കാഴ്ചയില്‍ ചര്‍ച്ചയായി. നാടിന്റെ വികസനത്തിന് മുന്നില്‍ നില്‍ക്കുന്നവരെ ഒരു സന്ദേഹവും കൂടാതെ വിജയിപ്പിക്കുമെന്ന് ബിഷപ്പ് ഉറപ്പു നല്‍കി.
ബിഷപ്പിനെ കണ്ടശേഷം സ്ഥാനാര്‍ത്ഥി തിരുപുറം സെന്റ് ഫ്രാന്‍സിസ് സേവ്യര്‍ പള്ളി സന്ദര്‍ശിച്ചു. പള്ളി വികാരി മോണ്‍. സെന്യോര്‍ ഡി. സെല്‍വരാജന്‍ സ്ഥാനാര്‍ത്ഥിയെ സ്വീകരിച്ച് വിജയാശംസകള്‍ നേര്‍ന്നു. തിരുപുറം കോക്‌സ് മെമ്മോറിയല്‍ ഡി.എസ്.ഐ ചര്‍ച്ചും അദ്ദേഹം സന്ദര്‍ശിച്ചു. ഓലത്താന്നി അരങ്ങില്‍ ശിവക്ഷേത്രത്തില്‍ അമൃത എം.നായര്‍ വൈശാഖ് എന്നിവരുടെ വിവാഹ നിശ്ചയത്തിലും പങ്കെടുത്തു. മഞ്ഞക്കോട് അസംബ്ലീസ് ഓഫ് ഗോഡ് പള്ളിയും സ്വദേശാഭിമാനി രാമകൃഷ്ണപിള്ളയുടെ ജന്മഗൃഹമായ അരങ്കമുകള്‍ കൂടില്ലാ വീടും സന്ദര്‍ശിച്ചു.
നെയ്യാറ്റിന്‍കര ടി.ബി ജംഗ്ഷനിലെ നെയ്യാറ്റിന്‍കര താലൂക്ക് എസ്.എന്‍.ഡി.പി യൂണിയന്‍ ഓഫീസില്‍ എത്തിയപ്പോള്‍ ശാഖ പ്രസിഡന്റ് കെ.വി. സൂരജ് കുമാര്‍, ജനറല്‍ സെക്രട്ടറി ശ്രീകണ്ഠന്‍ ആവണി എന്നിവര്‍ ചേര്‍ന്ന് സ്ഥാനാര്‍ത്ഥിയെ സ്വീകരിച്ചു. നെയ്യാറ്റിന്‍കര കൂട്ടപ്പന മേജര്‍ ശ്രീ മഹാദേവ ക്ഷേത്രത്തിന്‍ നടന്നു വരുന്ന മേടതിരുവാതിര ഉത്സവത്തിനെത്തിയപ്പോള്‍ ജനങ്ങള്‍ സ്‌നേഹത്തോടെ പൊതിഞ്ഞു. ക്ഷേത്ര പ്രസിഡന്റ് എന്‍. എസ്. ദിലീപ് കുമാര്‍, സെക്രട്ടറി എന്‍. മഹേഷ്, സുരേഷ് കുമാര്‍ തുടങ്ങിയവരുടെ സ്‌നേഹം ഏറ്റുവാങ്ങി പാച്ചല്ലൂര്‍ ചുടുകാട് ഭദ്രകാളി ദേവീക്ഷേത്രത്തില്‍. അവിടെ നടന്ന അഖില്‍ സുഭാഷ് ശ്രുതി എന്നിവരുടെ വിവാഹത്തിലും പങ്കെടുത്ത് നവദമ്പതികള്‍ക്ക് മംഗളാശംസ നേര്‍ന്നു.
പ്രതികരിക്കാൻ ഇവിടെ എഴുതുക: