തിരുവനന്തപുരം : ഇടതുമുന്നണി കണ്വീനര് ഇ.പി.ജയരാജനുമായി ബിസിനസ് ബന്ധമുണ്ടെന്ന ആരോപണം ഭാവന മാത്രമെന്ന് കേന്ദ്രമന്ത്രി രാജീവ് ചന്ദ്രശേഖര്.ഇ.പി.ജയരാജനെ ഇതുവരെ കണ്ടിട്ടില്ലെന്നും തിരുവനന്തപുരത്തെ എന്ഡിഎ സ്ഥാനാര്ഥി രാജീവ് ചന്ദ്രശേഖര് പറഞ്ഞു.
ആരോപണങ്ങള്ക്ക് പിന്നാലെ പോകാന് താത്പര്യമില്ല.എന്ഡിഎയുടെ വികസന അജണ്ടയ്ക്കാണ് മുന്തൂക്കം നല്കുന്നത്. കോണ്ഗ്രസ് നുണ പ്രചാരണം നടത്തുകയാണെന്നും അതാണ് അവരുടെ രാഷ്ട്രീയമെന്നും രാജീവ് ചന്ദ്രശേഖര് പറഞ്ഞു.
രാജീവ് ചന്ദ്രശേഖറുമായി ബിസിനസ് ബന്ധമില്ലെന്നും താനിതുവരെ അദ്ദേഹത്തെ നേരിട്ട് കണ്ടിട്ടില്ലെന്നും ഇ.പി.ജയരാജനും വ്യക്തമാക്കി. പ്രതിപക്ഷ നേതാവ് ഉന്നയിക്കുന്നത് അടിസ്ഥാനരഹിതമായ ആരോപണമാണ്. തനിക്കോ തന്റെ ഭാര്യയ്ക്കോ ബിസിനസുണ്ടെന്ന് തെളിയിച്ചാല് വി.ഡി.സതീശനും അദ്ദേഹത്തിന്റെ ഭാര്യയ്ക്കുമായി അത് സൗജന്യമായി എഴുതിക്കൊടുക്കാമെന്നും ജയരാജന് വാര്ത്താസമ്മേളനത്തില് പ്രതികരിച്ചു.
