കൊൽക്കത്ത: എംഎൽഎമാരുടെയും മന്ത്രിമാരുടെയും ശമ്പളം വർധിപ്പിക്കുന്ന രണ്ട് ബില്ലുകൾക്ക് പശ്ചിമ ബംഗാൾ ഗവർണർ സിവി ആനന്ദ ബോസ് അനുമതി നൽകി. രാജ്ഭവൻ വൃത്തങ്ങളാണ് ഇക്കാര്യം അറിയിച്ചത്.
ബംഗാൾ നിയമസഭ അംഗങ്ങളുടെ ശമ്പളം ഭേദഗതി ബിൽ, 2023, പശ്ചിമ ബംഗാൾ സാലറി ആൻഡ് അലവൻസ് ഭേദഗതി ബിൽ, 2023 എന്നിവയ്ക്ക് ഗവർണർ ശനിയാഴ്ച അനുമതി നൽകിയത്. എംഎൽഎമാരുടെയും മന്ത്രിമാരുടെയും ആശങ്കകൾക്കാണ് അദ്ദേഹം ഇതോടെ വിരാമമിട്ടത്.
കഴിഞ്ഞ വർഷം സെപ്റ്റംബറിൽ സംസ്ഥാന നിയമസഭയിൽ ബില്ലുകൾ പാസാക്കിയെങ്കിലും ബോസ് അനുമതി നൽകാത്തതിനാൽ വർധന നടപ്പാക്കാനായില്ല.
