തിരുവനന്തപുരം: കേരളത്തില് ലോക്സഭാ തെരഞ്ഞെടുപ്പ് ഏപ്രില് 26ന് വെള്ളിയാഴ്ച നടത്തുന്നത് ഇസ്ലാം മത വിശ്വാസികള്ക്ക് അസൗകര്യം സൃഷ്ടിക്കുമെന്ന് മുസ്ലിം ലീഗ്.വോട്ടര്മാര്ക്കും തെരഞ്ഞെടുപ്പ് ഡ്യൂട്ടിയുളള ഉദ്യോഗസ്ഥര്ക്കും പോളിംഗ് ഏജന്റുമാരായ വിശ്വാസികള്ക്കും ഇത് അസൗകര്യമുണ്ടാക്കുമെന്ന് മുസ്ലിം ലീഗ് ജനറല് സെക്രട്ടറി പിഎംഎ സലാം വ്യക്തമാക്കി.
ഇക്കാര്യം അടിയന്തരമായി തെരഞ്ഞെടുപ്പ് കമ്മിഷന്റെ ശ്രദ്ധയില്പെടുത്തുമെന്നും മുസ്ലീം ലീഗ് ജനറല് സെക്രട്ടറി പിഎംഎ സലാം കൂട്ടിച്ചേര്ത്തു. 543 ലോക്സഭാ മണ്ഡലങ്ങളിലേയ്ക്കുള്ള തെരഞ്ഞെടുപ്പ് തീയതി തെരഞ്ഞെടുപ്പ് കമ്മീഷന് ഇന്ന് ഉച്ച തിരിഞ്ഞ് മൂന്ന് മണിയോടെയാണ് പ്രഖ്യാപിച്ചത്.
രാജ്യത്ത് ഏഴ് ഘട്ടമായാണ് തെരഞ്ഞെടുപ്പ് നടക്കുക. ഏപ്രില് 19 ന് ആദ്യഘട്ടം വോട്ടെടുപ്പ് നടക്കും. രണ്ടാം ഘട്ടത്തില് ഏപ്രില് 26 നാണ് കേരളത്തില് വോട്ടെടുപ്പ്.ഒറ്റഘട്ടമായാണ് 20 മണ്ഡലങ്ങളിലും വോട്ടെടുപ്പ് നടക്കുക. ജൂണ് 4 ന് വോട്ടെണ്ണല് നടക്കും.
