തിരുവനന്തപുരം: കേന്ദ്രമന്ത്രിയും തിരുവനന്തപുരം ലോക് സഭാ മണ്ഡലത്തിലെ സ്ഥാനാര്‍ത്ഥിയുമായി രാജീവ് ചന്ദ്രശേഖര്‍ മാതാ അമൃതാനന്ദമയിദേവിയുടെ അനുഗ്രഹം തേടി കൊല്ലം ആശ്രമത്തിലെത്തി. തിരക്കിട്ട പ്രചാരണങ്ങള്‍ക്കിടയിലും കൊല്ലത്തെ ആശ്രമത്തില്‍ എത്തുകയായിരുന്നു രാജീവ് ചന്ദ്രശേഖര്‍.
ആശ്രമത്തില്‍ രാജീവ് ചന്ദ്രശേഖറിന് ഊഷ്മളമായ സ്വീകരണം നല്‍കി. ആശ്രമത്തിലെ ക്ഷേത്രത്തില്‍ തൊഴുത രാജീവ് ചന്ദ്രശേഖര്‍ അമ്മയ്‌ക്കായി കരുതിവെച്ച ചെറിയൊരു സമ്മാനം നല്‍കി.
പിന്നീട് അമൃതാനന്ദമയീദേവിയെ കണ്ടു. അമ്മ അദ്ദേഹത്തിന്റെ ശിരസ്സില്‍ കൈവെച്ച് അനുഗ്രഹിച്ചു. ഏതാനും നിമിഷങ്ങള്‍ നീണ്ട കൂടിക്കാഴ്ചയ്‌ക്ക് ശേഷം രാജീവ് ചന്ദ്രശേഖര്‍ വീണ്ടും തെരഞ്ഞെടുപ്പ് തിരക്കുകളിലേക്ക് മടങ്ങി.
പ്രതികരിക്കാൻ ഇവിടെ എഴുതുക: