കിണറ്റിൽ വീണ വയോധികയ്‌ക്ക് ദാരുണാന്ത്യം; രക്ഷിക്കാൻ ചാടിയ മകന് പരിക്ക്

മലപ്പുറം: എടപ്പാളിൽ കിണറ്റിൽ വീണ 75-കാരിയ്‌ക്ക് ദാരുണാന്ത്യം.തട്ടാൻപടി സ്വദേശി തങ്കമ്മു ആണ് മരിച്ചത്. വയോധികയെ രക്ഷിക്കുന്നതിനായി കിണറ്റിലേക്ക് ചാടിയ മകൻ മോഹനന് സാരമായി പരിക്കേറ്റിട്ടുണ്ട്. ഇന്നലെ രാത്രിയോടെയായിരുന്നു സംഭവം. പൊന്നാനിയിൽ നിന്നെത്തിയ ഫയർഫോഴ്‌സും പ്രദേശവാസികളും ചേർന്നാണ് യുവാവിനെ രക്ഷപ്പെടുത്തിയത്.