ചെന്നൈ: പ്രധാനമന്ത്രി നരന്ദ്രേമോദിയെ വധിക്കുമെന്ന് ഭീഷണി മുഴക്കി തമിഴ്‌നാട് ഡിഎംകെ നേതാവും ചെറുകിട വ്യസായ വകുപ്പ് മന്ത്രി ടി.എം. അന്‍പരശന്‍. തമിഴ്‌നാട്ടില്‍ പൊതുസമ്മേളനത്തില്‍ സംസാരിക്കവേയാണ് മന്ത്രിയുടെ ഈ വിവാദ പ്രസ്താവന.
നിരവധി പ്രധാനമന്ത്രിമാരെ മുമ്പ് കണ്ടിട്ടുണ്ട്. ഇതുപോലൊരാളെ കണ്ടിട്ടില്ല. ഡിഎംകെയെ ഇല്ലാതാക്കുമെന്ന് ആരെല്ലാം പറഞ്ഞിട്ടുണ്ടോ അവരെല്ലാം ഇല്ലാതായിട്ടുണ്ട്. അതുകൊണ്ട് മാത്രമാണ് താന്‍ ശാന്തനായിട്ടിരിക്കുന്നത്. മന്ത്രി ആയിരുന്നില്ല എങ്കില്‍ പ്രധാനമന്ത്രിയെ കഷ്ണങ്ങളായി വെട്ടി നുറുക്കിയേനെ. എന്നായിരുന്നു അന്‍പരശന്റെ പ്രസ്താവന.
ഡിഎംകെ നേതാവും മന്ത്രിയുമായ ഉദയനിധി സ്റ്റാലിന്‍ സനാതന ധര്‍മം മഹാമാരി പോലെയാണ്, അതിനെ ഉന്മൂലനം ചെയ്യണമെന്ന് അടുത്തിടെ പ്രസ്താവന നടത്തുകയും വിവാദമാവുകയും ചെയ്തിരുന്നു. അതിനു പിന്നാലെയാണ് മറ്റൊരു മന്ത്രി പ്രധാനമന്ത്രിക്കെതിരെ വധ ഭീഷണി ഉയര്‍ത്തിയിരിക്കുന്നത്. സമൂഹമാധ്യമങ്ങളില്‍ ഉള്‍പ്പടെ നിരവധിപേര്‍ ഇതിനെ വിമര്‍ശിച്ചിട്ടുണ്ട്.
അന്‍പരശന്‍ പ്രധാനമന്ത്രിക്കെതിരെ ഭീഷണി മുഴക്കുന്നതിന്റെ വീഡിയോ ബിജെപി നേതാവ് അമിത് മാളവ്യ എക്‌സില്‍ പങ്കുവെച്ചിട്ടുണ്ട്. ഇന്‍ഡി സഖ്യത്തിന്റെ അജണ്ട എന്താണെന്ന് വ്യക്തമാകുന്നില്ലെന്നും അദ്ദേഹം പ്രതികരിച്ചു.
പ്രതികരിക്കാൻ ഇവിടെ എഴുതുക: