ഇടുക്കി: പന്നിയാറിൽ റേഷൻ കടയ്ക്ക് നേരെ കാട്ടാന ചക്കക്കൊമ്പന്റെ ആക്രമണം. കടയുടെ ചുമരിൽ ഇടിക്കുകയും ഫെൻസിംഗ് തകർത്ത് അകത്തേക്ക് കടക്കുകയും ചെയ്തു. ഇന്ന് പുലർച്ചെയോടെയായിരുന്നു സംഭവം. എന്നാൽ ആന അരിയൊന്നും കഴിച്ചിട്ടില്ല.
ശബ്ദം കേട്ട് തോട്ടം തൊഴിലാളികൾ എത്തിയതോടെ ആന വനത്തിലേക്ക് നീങ്ങി. വനത്തിനുള്ളിൽ നിന്നും ആവശ്യത്തിന് ആഹാരം ലഭിക്കാത്തതാണ് ആന കാടിറങ്ങാൻ കാരണമെന്ന് തോട്ടം തൊഴിലാളികൾ പറയുന്നു. മുമ്പ് അരിക്കൊമ്പൻ സ്ഥിരം ആക്രമണം നടത്തിയിരുന്ന കടയായിരുന്നു ഇത്.
