ചെന്നൈ: പ്രൈം വോളിബോള്‍ ലീഗില്‍ സൂപ്പര്‍ ഫൈവ്സ് മത്സരങ്ങളില്‍ ആദ്യജയം ദല്‍ഹി തൂഫാന്‍സിന്. ചെന്നൈ ജവഹര്‍ലാല്‍ നെഹ്റു ഇന്‍ഡോര്‍ സ്റ്റേഡിയത്തില്‍ നടന്ന മത്സരത്തില്‍ നേരിട്ടുള്ള സെറ്റുകള്‍ക്കാണ് ലീഗ് ഘട്ടത്തിലെ രണ്ടാം സ്ഥാനക്കാരായ ദല്‍ഹി തൂഫാന്‍സ്, ബെംഗളൂരു ടോര്‍പ്പിഡോസിനെ തോല്‍പ്പിച്ചത്. സ്‌കോര്‍: 15-13, 18-16, 17-15. സന്തോഷാണ് കളിയിലെ താരം.
ഇന്ന് വൈകിട്ട് 6.30ന് നടക്കുന്ന മത്സരത്തില്‍ ബെംഗളൂരു ടോര്‍പ്പിഡോസ് അഹമ്മദാബാദ് ഡിഫന്‍ഡേഴ്സിനെ നേരിടും. തുടക്കത്തില്‍ മുന്നേറിയ അഹമ്മദാബാദ് മൂന്നാം സ്ഥാനക്കാരായാണ് ലീഗ് റൗണ്ട് പൂര്‍ത്തിയാക്കിയത്. നാലാം സ്ഥാനത്തായിരുന്നു ബെംഗളൂരിന്റെ ഫിനിഷിങ്. ലീഗ് റൗണ്ടില്‍ ആദ്യ സ്ഥാനങ്ങളിലും അഞ്ച് ടീമുകളാണ് സൂപ്പര്‍ ഫൈവ്സ് റൗണ്ടില്‍ പരസ്പരം ഏറ്റുമുട്ടുന്നത്.
പ്രതികരിക്കാൻ ഇവിടെ എഴുതുക: