റായ്‌പൂർ : ഛത്തീസ്ഗഡിലെ ബിജാപൂർ ജില്ലയിൽ പോലീസിന്റെ ചാരനെന്ന് സംശയിച്ച് 35 കാരനെ നക്‌സലൈറ്റുകൾ തട്ടിക്കൊണ്ടുപോയി അതി ക്രൂരമായി കൊലപ്പെടുത്തി. ബിജാപൂർ പോലീസാണ് തിങ്കളാഴ്ച ഇക്കാര്യം അറിയിച്ചത്.
കുറ്റ്രു പോലീസ് സ്റ്റേഷൻ പരിധിയിലെ തെലിപേത്ത ഗ്രാമത്തിൽ നിന്നുള്ള പുസു ഹേംലയെ തെലിപേത്ത-പടകുത്രു റോഡിൽ ഇന്ന് രാവിലെയാണ് ചില പ്രദേശവാസികൾ മരിച്ച നിലയിൽ കണ്ടെത്തിയത്. ശരീരമാസകലം വെടിയുണ്ടയേറ്റ നിലയിലായിരുന്നു ഇയാളുടെ മൃതദേഹമെന്ന് ഉദ്യോഗസ്ഥർ പറഞ്ഞു.
സ്ഥലത്ത് നിന്ന് ഒരു മാവോയിസ്റ്റ് ലഘുലേഖ കണ്ടെടുത്തു. അതിൽ ഹേംല ഒരു പോലീസ് ഇൻഫോർമറായി പ്രവർത്തിക്കുകയാണെന്ന് മാവോയിസ്റ്റുകളുടെ ഭൈരംഗഡ് ഏരിയ കമ്മിറ്റി അവകാശപ്പെട്ടു.
ഇതിന്റെ പശ്ചാത്തലത്തിൽ പോലീസ് ജാഗ്രതാ നിർദ്ദേശം നൽകിയതായും ഒരു സംഘത്തെ സംഭവസ്ഥലത്തേക്ക് അയച്ചതായും ഉദ്യോഗസ്ഥർ പറഞ്ഞു.
