വയനാട് : പൂക്കോട് വെറ്ററിനറി കോളേജ് തിങ്കളാഴ്ച മുതല്‍ തുറന്ന് പ്രവര്‍ത്തിക്കും.ഇവിടെ വിദ്യാര്‍ത്ഥിയായിരുന്ന സിദ്ധാര്‍ത്ഥന്റെ മരണത്തെ തുടര്‍ന്നാണ് കോളേജ് അടച്ചിട്ടത്.
സംഘര്‍ഷ സാധ്യത ഒഴിവാക്കാന്‍ നടപടികള്‍ സ്വീകരിക്കുമെന്ന് മന്ത്രി ജെ ചിഞ്ചുറാണി പറഞ്ഞു. ഇത് സംബന്ധിച്ച് വൈസ് ചാന്‍സലര്‍ക്ക് ആവശ്യമായ നിര്‍ദേശങ്ങള്‍ നല്‍കിയിട്ടുണ്ടെന്ന് മന്ത്രി വെളിപ്പെടുത്തി.
സിദ്ധാര്‍ത്ഥന്റെ മരണം സംഭവിച്ചപ്പോള്‍ തന്നെ ക്യാമ്പസിലും ഹോസ്റ്റലിലും സിസിടിവിയും സെക്യൂരിറ്റിയും അടക്കം കൃത്യമായി സ്ഥാപിക്കാന്‍ നിര്‍ദേശിച്ചിരുന്നു.
സിദ്ധാര്‍ത്ഥനെ ക്രൂര മര്‍ദ്ദനത്തിനിരയാക്കി മരണത്തിലേക്ക് നയിച്ച സംഭവത്തില്‍ 20 വിദ്യാര്‍ത്ഥികളെ ഇതുവരെ പൊലീസ് പിടികൂടിയിട്ടുണ്ട്.
പ്രതികരിക്കാൻ ഇവിടെ എഴുതുക: