ആലപ്പുഴ: ഇന്‍ഡി മുന്നണി കോഡിനേറ്ററും ഘടകകക്ഷിയായ സിപിഎമ്മും ഒരേ മണ്ഡലത്തില്‍ മത്സരിക്കുന്നതിനോളം വലിയ വിരോധാഭാസം എന്തുണ്ടെന്ന് എന്‍ഡിഎ സ്ഥാനാര്‍ത്ഥി ശോഭാ സുരേന്ദ്രന്‍.
വേണുഗോപാലിന്റെ സ്ഥാനാര്‍ത്ഥിത്വത്തിലൂടെ ആലപ്പുഴയിലെ പ്രബുദ്ധരായ ജനതയെ വിഡ്ഢികളാക്കുകയാണ് കോണ്‍ഗ്രസും സിപിഎമ്മും. അണികളെ വിഡ്ഢി വേഷം കെട്ടിക്കുകയാണ് ഇരു സ്ഥാനാര്‍ത്ഥികളും. ഇത് കോണ്‍ഗ്രസ് സിപിഎം അണികള്‍ തിരിച്ചറിയും അവര്‍ക്ക് അതിനുള്ള വിവേകം ഉണ്ടെന്ന് കരുതുന്നു. മത്സരം ഇന്‍ഡി മുന്നണിയും എന്‍ഡിഎയും തമ്മിലാണ്.
ആലപ്പുഴയില്‍ ഇന്‍ഡി മുന്നണി കോഡിനേറ്റര്‍ മത്സരിക്കുന്ന സാഹചര്യത്തില്‍ സിപിഎം സ്ഥാനാര്‍ത്ഥിത്വം പിന്‍വലിക്കുകയാണ് രാഷ്‌ട്രീയ മര്യാദ. ഇന്‍ഡി മുന്നണി കണ്‍വീനര്‍ തന്നെ മത്സരിക്കുന്ന സാഹചര്യത്തില്‍ മുന്നണിയുടെ പ്രസക്തി നഷ്ടപ്പെട്ടു. ആരിഫ് – വേണുഗോപാല്‍ സഖ്യത്തെ ജനങ്ങള്‍ തിരിച്ചറിയും. ഇന്‍ഡി മുന്നണി കോഡിനേറ്റര്‍ ആലപ്പുഴയില്‍ മത്സരിക്കുന്ന സാഹചര്യത്തില്‍ സിപിഎം നിലപാട് വ്യക്തമാക്കണം. വിചിത്രമായ രാഷ്‌ട്രീയ നിലപാടാണ് സിപിഎമ്മും കോണ്‍ഗ്രസും ആലപ്പുഴയില്‍ സ്വീകരിക്കുന്നത്. ഈ നിലപാട് പരിഹാസ്യമാണ്. ഇത് ജനങ്ങള്‍ തിരിച്ചറിയുക തന്നെ ചെയ്യുമെന്നും അവര്‍ പറഞ്ഞു.
പ്രതികരിക്കാൻ ഇവിടെ എഴുതുക: