തിരുവനന്തപുരം: കെഎസ്ആര്‍ടിസിയില്‍ മരണമടഞ്ഞ ജീവനക്കാരന് സ്ഥംമാറ്റം. കഴിഞ്ഞവര്‍ഷം ഡിസംബര്‍ 31ന് മരിച്ച ഇ.ജി.മധു എന്ന ഇന്‍സ്‌പെക്ടര്‍ വിഭാഗം ജീവനക്കാരനെയാണ് സ്ഥലം മാറ്റിയത്.
എക്‌സിക്യൂട്ടീവ് ഡയറക്ടര്‍ (അഡ്മിനിസ്‌ട്രേഷന്‍) പുറത്തിറക്കിയ ഉത്തരവിലാണ് പിഴവ് കണ്ടെത്തിയത്.സ്ഥലംമാറ്റ ഉത്തരവ് ഇറങ്ങുന്നത് ഈ മാസം ഏഴിനാണ്.
സംഭവം വിവാദമായതോടെ കെഎസ്ആര്‍ടിസി ഉത്തരവ് പിന്‍വലിച്ചു. ഡിസംബര്‍ 31 ന് അന്തരിച്ച കട്ടപ്പനയിലെ ജീവനക്കാരനെയാണ് മാര്‍ച്ച് ഏഴിന് കെഎസ്ആര്‍ടിസി സ്ഥലംമാറ്റിയത്.
ഹൃദയാഘാതത്തെ തുടര്‍ന്നാണ് മധു മരിച്ചത്. എന്നാല്‍ സര്‍വീസ് റോളില്‍ നിന്നും പേര് നീക്കം ചെയ്യാത്തതാണ് സ്ഥലം മാറ്റ ഉത്തരവ് ഇറങ്ങാന്‍ കാരണം എന്നാണ് നിഗമനം. മരിച്ച ആളുടെ സ്ഥലംമാറ്റം കെഎസ്ആര്‍ടിസി ജീവനക്കാരുടെ വാട്സാപ്പ് ഗ്രൂപ്പുകളില്‍ ചര്‍ച്ചയായതോടെയാണ് പിഴവ് കണ്ടെത്തിയത്.
