പ്രധാനമന്ത്രി കൃഷി സിഞ്ചായി യോജന എസ്എൽഎൻഎയുടെ യൂണിറ്റിൽ അവസരം

തിരുവനന്തപുരം: പ്രധാനമന്ത്രി കൃഷി സിഞ്ചായി യോജന എസ്എൽഎൻഎയുടെ യൂണിറ്റിൽ ഫിനാൻസ് കം അക്കൗണ്ട്സ് ഓഫീസർ തസ്തികയിൽ ഒഴിവ്. കരാർ നിയമനത്തിലേക്കാണ് അപേക്ഷ ക്ഷണിച്ചിരിക്കുന്നത്. മാർച്ച് 14-നാണ് വാക്-ഇൻ-ഇന്റർവ്യൂ.

പ്രതിമാസം 35,000 രൂപയാണ് ശമ്പളം. ഫിനാൻസ് മാനേജ്മെന്റ്, കൊമേഴ്സ്, ചാർട്ടേഡ് അക്കൗണ്ടൻസി ബിരുദാനന്തര ബിരുദമുള്ള ഉദ്യോഗാർത്ഥികൾക്ക് അപേക്ഷ സമർപ്പിക്കാവുന്നതാണ്. 58-വയസിൽ താഴെയുള്ളവർക്കാണ് അപേക്ഷിക്കാൻ യോഗ്യത.

കുറഞ്ഞത് പത്ത് വർഷത്തെ പ്രവൃത്തിപരിചയമുള്ള ഉദ്യോഗാർത്ഥികൾക്ക് മുൻഗണന. നന്ദൻകോട് സ്വരാജ്ഭവനിലെ എസ്എൽഎൻഎ കാര്യാലയത്തിന്റെ നാലാം നിലയിൽ മാർച്ച് 14-നാണ് ഇന്റർവ്യൂ. രാവിലെ 9.30-നും 10-നും ഇടയിലാകും സർട്ടിഫിക്കറ്റ് വേരിഫിക്കേഷൻ നടക്കുക. 11.30-ന് അഭിമുഖം ആരംഭിക്കും.