മംഗളുരു: മംഗളുരുവില്‍ മൂന്ന് കോളേജ് വിദ്യാര്‍ഥിനികള്‍ക്ക് നേരെ ആസിഡാക്രമണം.മലപ്പുറം നിലമ്പൂര്‍ സ്വദേശി അഭിനാണ് പെണ്‍കുട്ടികളുടെ മുഖത്തേക്ക് ആസിഡ് എറിഞ്ഞത്. ഇയാളെ പൊലീസ് അറസ്റ്റ് ചെയ്തു.
മംഗളുരു കടബ സര്‍ക്കാര്‍ പിയുസി കോളേജിലെ രണ്ടാം വര്‍ഷ വിദ്യാര്‍ഥിനികളെയാണ് അഭിന്‍ ആക്രമിച്ചത്. പരീക്ഷയ്‌ക്ക് മുമ്പ് കോളേജ് വരാന്തയിലിരുന്ന് പഠിക്കുകയായിരുന്ന വിദ്യാര്‍ഥിനികള്‍ക്ക് നേരെ അഭിന്‍ ആസിഡ് ഒഴിക്കുകയായിരുന്നു.
പതിനേഴുകാരിയായ പെണ്‍കുട്ടിയെ ലക്ഷ്യമിട്ടാണ് അഭിന്‍ ആസിഡാക്രമണം നടത്തിയത്.ആക്രമണം തടഞ്ഞ മറ്റ് രണ്ട് പെണ്‍കുട്ടികളുടെ മുഖത്തും ആസിഡ് വീഴുകയായിരുന്നു. മറ്റ് രണ്ട് പേരുടെ ദേഹത്താണ് ആസിഡ് വീണത്.ആക്രമിക്കപ്പെട്ട ഒരു പെണ്‍കുട്ടിയോട് നേരത്തെ അഭിന്‍ പ്രണയാഭ്യര്‍ത്ഥന നടത്തിയിരുന്നു.പെണ്‍കുട്ടി ഇത് നിരസിച്ചു.
ഇതാണ് അഭിന്‍ കോളേജിലെത്തി ആക്രമണം നടത്താന്‍ കാരണം.ആക്രമണത്തിന് ശേഷം സ്ഥലത്ത് നിന്ന് ഓടി രക്ഷപ്പെടാന്‍ ശ്രമിച്ച അഭിനെ പെണ്‍കുട്ടിയുടെ സഹപാഠികള്‍ ഓടിച്ചിട്ട് പിടികൂടി പൊലീസില്‍ ഏല്‍പിക്കുകയായിരുന്നു. അഭിന്‍ രണ്ടാം വര്‍ഷ എംബിഎ വിദ്യാര്‍ഥിയാണ്.
പ്രതികരിക്കാൻ ഇവിടെ എഴുതുക: