അന്താരാഷ്ട്ര പാരാഗ്ലൈഡിംഗ് ഫെസ്റ്റിവലിന് ഈ മാസം തുടക്കം. മാർച്ച് 14,15,16,17 തീയതികളിൽ ഇടുക്കി വാഗമണ്ണിൽ ഫെസ്റ്റിവൽ നടക്കും. രാജ്യത്തെ തന്നെ ഏറ്റവും വലിയ എയ്റോ സ്പോർട്സ് അഡ്വഞ്ചർ ഫെസ്റ്റിവൽ ആണിത്.
പാരാഗ്ലൈഡിംഗ് അസോസിയേഷൻ ഓഫ് ഇന്ത്യയുടെ സാങ്കേതിക പിന്തുണയോടെ വിനോദ സഞ്ചാര വകുപ്പിന്റെ നിയന്ത്രണത്തിലുള്ള കേരള അഡ്വഞ്ചർ ടൂറിസം പ്രമോഷൻ സൊസൈറ്റിയും ഇടുക്കി ജില്ലാ ടൂറിസം പ്രമോഷൻ കൗൺസിലും സംയുക്തമായാണ് ഫെസ്റ്റിവൽ നടത്തുന്നത്. പ്രശസ്തരായ നൂറിൽ അധികം അന്തർദേശീയ-ദേശീയ ഗ്ലൈഡർമാർ പരിപാടിയിൽ പങ്കെടുക്കും.
15 രാജ്യങ്ങളാണ് ഫെസ്റ്റിവലിൽ പങ്കെടുക്കുന്നതിനായി താത്പര്യം പ്രകടിപ്പിച്ചിരിക്കുന്നത്. ലോകപ്രശസ്ത റൈഡർമാരും അന്താരാഷ്ട്ര ചാമ്പ്യന്മാരും ഫെസ്റ്റിവലിന്റെ ഭാഗമാകും.
പ്രതികരിക്കാൻ ഇവിടെ എഴുതുക: