യുപിയ : സന്തോഷ് ട്രോഫി ഫൈനല് റൗണ്ടിലെ അവസാന ഗ്രൂപ്പ് മത്സരത്തില് കേരളത്തിന് സമനില . സര്വീസസിനോട് 1-1 എന്ന സമനിലയാണ് വഴങ്ങിയത്. അഞ്ചു മത്സരങ്ങളില് നിന്ന് കേരളത്തിന്റെ രണ്ടാം സമനിലയാണ് ഇത്.
ഇതോടെ കേരളം കഷ്ടിച്ച് നോക്കൗട്ട് ഘട്ടത്തിലേക്ക് കടന്നു.ഒരു ഗോളിന് ലീഡ് എടുത്ത ശേഷമാണ് കേരളം സമനില വഴങ്ങിയത്.
കേരളത്തിന്റെ ആദ്യ ഗോള് ആദ്യപകുതിയില് സജേഷ് ആണ് നേടിയത്. ആദ്യ പകുതിയുടെ അവസാനം സനിര് മുര്മുവാണ് സര്വീസസിന്റെ സമനില ഗോള് നേടിയത്. അഞ്ചു മത്സരങ്ങളില് രണ്ടു മത്സരങ്ങള് കേരളം വിജയിച്ചപ്പോള് ഒരു മത്സരം പരാജയപ്പെടുകയും ചെയ്തു.
8 പോയിന്റുമായി കേരളം ഗ്രൂപ്പില് മൂന്നാം സ്ഥാനത്താണ്. ഗ്രൂപ്പിലെ ആദ്യ നാല് സ്ഥാനക്കാരാണ് ക്വാര്ട്ടര് ഫൈനലിലെത്തുന്നത്.
