തിരുവനന്തപുരം: വര്ക്കലയില് ഹോട്ടലില് ഭക്ഷ്യവിഷബാധ. സ്പൈസി റെസ്റ്റോറന്റില് നിന്ന് ഭക്ഷണം കഴിച്ചവര്ക്കാണ് ഭക്ഷ്യവിഷബാധ.
പതിനഞ്ചോളം പേരെ ആശുപത്രിയില് പ്രവേശിപ്പിച്ചു. കുട്ടികള് ഉള്പ്പെടെയുള്ളവരാണ് ആശുപത്രിയില് ചികിത്സയില് കഴിയുന്നത്.
ഹോട്ടലില് നിന്ന് അല്ഫാം, ഷവായി, മന്തി എന്നിവ കഴിച്ചവര്ക്കാണ് ഭക്ഷ്യവിഷബാധയേറ്റത്. ഭക്ഷ്യവിഷബാധയാണെന്ന് ആശുപത്രി സുപ്രണ്ടന്റ് സ്ഥിരീകരിച്ചു.
നഗരസഭ ഹെല്ത്ത് സ്ക്വാഡും സംസ്ഥാന ഭക്ഷ്യസുരക്ഷ വകുപ്പും സ്പൈസി റസ്റ്റോറന്റ് അടച്ചു പൂട്ടാന് നിര്ദ്ദേശം നല്കി. ഹോട്ടലില് നടത്തിയ പരിശോധനയില് പഴകിയ മാംസം ഉള്പ്പെടെ പിടിച്ചെടുത്തു. ജീവനക്കാരുടെ മുറിയില് നിന്നും പഴകിയ ഭക്ഷണവും പിടിച്ചെടുത്തു.
