മലയാളികള്ക്കിടയില് വലിയ വിമര്ശനങ്ങള്ക്കും ചര്ച്ചകള്ക്കും വിധേയയായ നടിയാണ് ലെന. കഴിഞ്ഞ ദിവസം വന്ന വാര്ത്തകള് ഞെട്ടിച്ചുകളയുക മാത്രമല്ല രഹസ്യങ്ങള് ഒളിപ്പിക്കാന് ഇത്രയും കഴിവുണ്ടെന്ന് കൂടി മലയാളികള് അറിഞ്ഞു. അതും ഒരു സെലിബ്രിറ്റി സ്റ്റാറ്റാസില് നിന്നുകൊണ്ട്.
അടുത്തിടെ ഇന്ത്യയുടെ ഗഗന്യാന് യാത്രികരുടെ പേരുകള് പ്രധാനമന്ത്രി
വെളിപ്പെടുത്തിയപ്പോള് ആ പട്ടികയിലുള്ള പ്രശാന്ത് ബാലകൃഷ്ണനുമായി തന്റെ വിവാഹം കഴിഞ്ഞെന്നു ലെന അറിയിച്ചിരുന്നു. ഇപ്പോള് വിവാഹത്തെയും ലെനയെയും കുറിച്ച് പ്രശാന്ത് തന്നെ പറയുകയാണ്.
ഇത് എന്റെയും ലെനയുടെയും ജീവിതത്തിലെ രണ്ടാം ഇന്നിങ്സ് ആണ്, എല്ലാവരുടെയും അനുഗ്രഹം വേണം’ എന്നാണ് പ്രശാന്ത് ബാലകൃഷ്ണന് വിവാഹവേളയില് പറഞ്ഞത്. ലെനയുടെ ആത്മീയതയെകുറിച്ചുള്ള അഭിമുഖങ്ങള് കണ്ടത് പ്രശാന്ത് ലെനയുമായി ഫോണില് ബന്ധപ്പെടുന്നത്. അതിനുശേഷം സൗഹൃദം വിവാഹാലോചനയിലേക്ക് വഴിതെളിക്കുകയായിരുന്നു.
ജനുവരി 17 ന് ബെംഗളൂരു മല്ലേശ്വരം ക്ഷേത്രത്തിലായിരുന്നു വിവാഹം. ചടങ്ങില് ഇരുവരുടെയും വീട്ടുകാര് മാത്രമാണ് പങ്കെടുത്തത്. എന്നാല് അത് ആരും അറിഞ്ഞിരുന്നില്ല. പ്രശാന്ത് അതീവ രഹസ്യസ്വഭാവമുള്ള ഒരു തന്ത്രപ്രധാന ദേശീയ ദൗത്യത്തിന്റെ ഭാഗമായതുകൊണ്ടാണ് വിവാഹക്കാര്യത്തെ പുറത്തുപറയാതിരുന്നതെന്ന് ലെന ഒരു അഭിമുഖത്തില് പറഞ്ഞിരുന്നു.
പ്രശസ്ത ഷെഫ് സുരേഷ് പിള്ളയാണ് വിവാഹ റിസപ്ഷന്റെ വിഡിയോ സമൂഹമാധ്യമങ്ങളിലൂടെ പങ്കുവച്ചത് കാണാം.
https://www.instagram.com/reel/C35aCcmyYXl/?utm_source=ig_embed&ig_rid=1eb15865-2184-4f3b-96d0-ff655966f180
