മലപ്പുറം: ലോക്സഭ തെരഞ്ഞെടുപ്പിനുള്ള സ്ഥാനാര്ത്ഥികളെ പ്രഖ്യാപിച്ച് മുസ്ലിം ലീഗ്. മൂന്നു സീറ്റുകളിലാണ് മുസ്ലിം ലീഗ് ഈ തെരഞ്ഞെടുപ്പില് മത്സരിക്കുക. ഇതില് രണ്ടു സീറ്റ് കേരളത്തിലും ഒന്ന് തമിഴ്നാട്ടിലെ രാമനാഥപുരത്തുമാണ്. സംസ്ഥാന അദ്ധ്യക്ഷന് സാദിഖലി ശിഹാബ് തങ്ങളാണ് സ്ഥാനാര്ത്ഥി പ്രഖ്യാപനം നടത്തിയത്.
കേരളത്തില് സിറ്റിംഗ് എംപിമാര് സീറ്റ് വച്ചുമാറി, മലപ്പുറത്ത് ഇടിമുഹമ്മദ് ബഷീറും, പൊന്നാനിയില് അബ്ദു സമദ് സമദാനിയും മത്സരിക്കും. അതേസമയം തമിഴ്നാട്ടിലെ രാമനാഥപുരത്ത് നവാസ് ഗനിയും തെരഞ്ഞെടുപ്പിനെ നേരിടും. കേരളത്തില് കോണ്ഗ്രസിന്റെ പിന്തുണയോടെയും തമിഴ്നാട്ടില് ഡിഎംകെയുടെ ഒപ്പവുമാണ് ലീഗ് മത്സരിക്കുക.
ലീഗിന് ലഭിക്കുന്ന രാജ്യസഭ സീറ്റിലേക്കുള്ള സ്ഥാനാര്ത്ഥിയെ പിന്നീട് തീരുമാനിക്കും. ഒഴിവ് വരുന്ന അടുത്ത രാജ്യസഭ സീറ്റ് ലീഗിന് തന്നെയാണെന്ന് കോണ്ഗ്രസ് വ്യക്തമാക്കിയതിനു പിന്നാലെയാണ് പ്രഖ്യാപനം. പ്രതിപക്ഷത്ത് ഇരിക്കുമ്പോള് 2 രാജ്യസഭ സീറ്റ് എന്നത് നേട്ടമാമെന്ന് പി.കെ.കുഞ്ഞാലിക്കുട്ടി വ്യക്തമാക്കി.
