മൂന്നാറിൽ ലോറി തടഞ്ഞ് പടയപ്പ; ഒരു മണിക്കൂറിലേറെ ഗതാഗത തടസ്സം

ഇടുക്കി: മൂന്നാർ നയമക്കാട് എസ്റ്റേറ്റ് വഴിയിൽ സിമൻറ് കയറ്റി വന്ന ലോറി തടഞ്ഞ് പടയപ്പ. രാവിലെ എട്ടരയോടെയാണ് സംഭവം. ഇതേ തുടർന്ന് ഒരു മണിക്കൂർ നേരം ഈ റോഡിൽ ഗതാഗത തടസ്സം അനുഭവപ്പെട്ടു. തല കൊണ്ട് ലോറിയിൽ ഇടിച്ച കാട്ടാന പിന്നീട് ലോറിക്ക് മുന്നിൽ റോഡിൽ നിലയുറപ്പിക്കുകയായിരുന്നു. തോട്ടം തൊഴിലാളികൾ ബഹളം വച്ചതോടെയാണ് പടയപ്പ ജനവാസ മേഖലയിൽ നിന്നും മാറിയത്.