പത്തനംതിട്ട: കെപിസിസി അധ്യക്ഷന്‍ കെ.സുധാകരന്‍ എംപിയും പ്രതിപക്ഷ നേതാവ് വി.ഡി.സതീശനും സംയുക്തമായി നയിക്കുന്ന ‘സമരാഗ്നി’ ജാഥയ്ക്കിടെ കെ.സുരേന്ദ്രന് സ്വാഗതം പറഞ്ഞ് മുതിര്‍ന്ന കോണ്‍ഗ്രസ് നേതാവ് ആന്റോ ആന്റണി. സമരാഗ്നി ജാഥയ്‌ക്കു പത്തനംതിട്ടയില്‍ നല്‍കിയ സ്വീകരണ യോഗത്തിലാണ് പത്തനംതിട്ട എംപിക്ക് അമളി പറ്റിയത്.
കെപിസിസി പ്രസിഡന്റ് എന്നു പറഞ്ഞെങ്കിലും പേര് കെ.സുധാകരനു പകരം കെ.സുരേന്ദ്രന് എന്നായിപ്പോവുകയായിരുന്നു. അമളി മനസിലാക്കിയ ആന്റോ ആന്റണി ഉടന്‍തന്നെ തിരുത്തി.
”സമരാഗ്നിയുടെ നായകന്‍, കേരള പ്രദേശ് കോണ്‍ഗ്രസ് കമ്മിറ്റിയുടെ അധ്യക്ഷന്‍ ബഹുമാന്യനായ കെ.സുരേന്ദ്രന് അവര്‍കളേ…” എന്നായിരുന്നു ആന്റോ ആന്റണി പറഞ്ഞത്. ഉടന്‍ തന്നെ അമളി പറ്റിയത് മനസിലാക്കി വേദിയിലേക്കു തിരിഞ്ഞുനോക്കിയ ശേഷം ‘കെ.സുധാകരന്‍ അവര്‍കളേ…’ എന്ന് അദ്ദേഹം തിരുത്തി.
ജനുവരി 21നു കാസര്‍കോട്ടുനിന്ന് ആരംഭിച്ച യാത്രയാണ് ശനിയാഴ്ച പത്തനംതിട്ട ജില്ലയില്‍ എത്തിയത്. 140 നിയമസഭാ മണ്ഡലങ്ങളിലും ജാഥ പര്യടനം നടത്തി ഈ മാസം അവസാനം തിരുവനന്തപുരത്ത് സമാപിക്കും.
പ്രതികരിക്കാൻ ഇവിടെ എഴുതുക: