ശ്രികാര്യം: വിവാഹങ്ങള് ആര്ഭാടമാക്കരുതെന്ന് തിരുവിതാംകൂര് രാജകുടുംബാംഗം അശ്വതി തിരുനാള് ഗൗരീലക്ഷ്മി ബായി. കാര്യവട്ടം ശ്രീധര്മ്മശാസ്താക്ഷേത്രോത്സവത്തിന്റെ ഭാഗമായി നടന്ന സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അവര്. വിവാഹങ്ങള് ആര്ഭാടമായിമാറിയിരിക്കുന്നു.
നാലും അഞ്ച് ദിവസങ്ങള് എടുത്താണ് ആഘോഷിക്കുന്നത്. ജന്മദിനത്തിന് മെഴുകുതിരി ഊതി കെടുത്തിയാണ് ആഘോഷിക്കുന്നത്. ഇത് നമ്മുടെ സംസ്കാരത്തിന് ചേര്ന്നതല്ല. സംസ്കാരം സംരക്ഷിക്കേണ്ട ചുമതല നമുക്ക് ഉണ്ടെന്നും ഗൗരി ലക്ഷ്മി ബായി പറഞ്ഞു.
ക്ഷേത്ര ഭരണസമിതി പ്രസിഡന്റ് മനോജ് മല്ലശേരി അദ്ധ്യക്ഷത വഹിച്ചു. മോഹന്ദാസ് ഗ്രൂപ്പ് ഓഫ് കമ്പനീസ് ഡയറക്ടര് റാണി മോഹന്ദാസ് സംസാരിച്ചു. ചടങ്ങില് ശാസ്താ പുരസ്കാരം സമ്മാനിച്ചു. പ്രമുഖ വ്യക്തികളെ ആദരിച്ചു. ക്ഷേത്ര ഭരണസമിതി എന്.ജയകൃഷ്ണന് സ്വാഗതവും ട്രഷറര് എന് ഉണ്ണികൃഷ്ണന് നന്ദിയും പറഞ്ഞു.
