മുംബൈ: മുന്‍ ലോക്‌സഭാ സ്പീക്കറും മഹാരാഷ്ട്ര മുന്‍ മുഖ്യമന്ത്രിയുമായ മനോഹര്‍ ജോഷി (86) അന്തരിച്ചു. ഇന്ന് പുലര്‍ച്ചെ മൂന്ന് മണിയോടെ മുംബൈയിലെ ഹിന്ദുജ ആശുപത്രിയിലാണ് മരണം. ഹൃദയാഘാതത്തെ തുടര്‍ന്ന് ഫെബ്രുവരി 21 മുതല്‍ അദേഹം ഹിന്ദുജ ആശുപത്രിയില്‍ ചികിത്സയിലായിരുന്നു.
പൂര്‍ണ്ണ ഔദ്യോഗിക ബഹുമതികളോടെ ദാദര്‍ ശിവാജി പാര്‍ക്ക് ശ്മശാനത്തില്‍ സംസ്‌കാരം നടത്തുമെന്ന് കുടുംബം അറിയിച്ചു. മുതിര്‍ന്ന ശിവസേന നേതാവ് കൂടിയായിരുന്ന മനോഹര്‍ ജോഷി 1995 മുതല്‍ 1999 വരെ മഹാരാഷ്ട്ര മുഖ്യമന്ത്രിയായും 2002 മുതല്‍ 2004 വരെ ലോക്‌സഭാ സ്പീക്കറായും സേവനമനുഷ്ഠിച്ചിട്ടുണ്ട്. 2006 മുതല്‍ 2012 വരെ രാജ്യസഭാംഗവും 1999 മുതല്‍ 2002 വരെ ഘനവ്യവസായ പൊതുസംരംഭങ്ങളുടെ മന്ത്രിയും ആയിരുന്നു.
പ്രതികരിക്കാൻ ഇവിടെ എഴുതുക: