മുംബൈ: ഇന്ത്യന്‍ പ്രീമിയര്‍ ലീഗി(ഐപിഎല്‍)ല്‍ ഭാരത പേസ് ബൗളര്‍ മുഹമ്മദ് ഷമി കളിക്കില്ല. താരത്തിന്റെ ഇടത് കണങ്കാലിനേറ്റ പരിക്കിന് ശസ്ത്രക്രിയ ചെയ്യേണ്ടതിനാല്‍ സീസണ്‍ നഷ്ടമാകും.
33കാരനായ ഷമി ഇപ്പോള്‍ നടന്നുകൊണ്ടിരിക്കുന്ന ഇംഗ്ലണ്ടിനെതിരായ ടെസ്റ്റ് പരമ്പരയില്‍ ഉള്‍പ്പെട്ടിട്ടില്ല. കഴിഞ്ഞ നവംബറില്‍ അവസാനിച്ച ഏകദിന ലോകകപ്പ് ഫൈനലിന് ശേഷം താരം കളിച്ചിട്ടില്ല.
ലോകകപ്പില്‍ കളിക്കുമ്പോള്‍ താരത്തിന് പരിക്കിന്റെ ബുദ്ധിമുട്ടുകളുണ്ടായിരുന്നു. എന്നാല്‍ അതൊന്നും വകവയ്‌ക്കാതെയാണ് താരം കളിച്ചുകൊണ്ടിരുന്നത്. 24 വിക്കറ്റ് പ്രകടനവുമായി ലോകകപ്പില്‍ മികച്ച ബൗളിങ്ങാണ് താരം കാഴ്‌ച്ചവച്ചത്. കഴിഞ്ഞ മാസം താരത്തെ രാജ്യം കായിക താരങ്ങള്‍ക്കുള്ള മികച്ച രണ്ടാമത്തെ ബഹുമതിയായ അര്‍ജുന അവാര്‍ഡ് നല്‍കി ആദരിച്ചിരുന്നു.
ഇതുവരെ നടത്തിയ ചികിത്സകൊണ്ട് പരിക്കില്‍ നിന്നും മുക്തി നേടനാവാതെ വന്നതിനാലാണ് താരം ശസ്ത്രക്രിയയ്‌ക്ക് വിധേയനാകുന്നത്. അടുത്ത മാസം യുകെയിലായിരിക്കും താരത്തിന്റെ ശസ്ത്രക്രിയ.
പ്രതികരിക്കാൻ ഇവിടെ എഴുതുക: