ന്യൂദല്‍ഹി: മദ്യനയ കേസിലെ അഴിമതിയില്‍ ചോദ്യം ചെയ്യുന്നതിനായി ദല്‍ഹി മുഖ്യമന്ത്രി അരവിന്ദ് കെജ്‌രിവാളിന് വീണ്ടും വിളിപ്പിച്ച് എന്‍ഫോഴ്‌സ്‌മെന്റ് ഡയറക്ടറേറ്റ്. ഏഴാം തവണയാണ് ചോദ്യം ചെയ്യലിനായി സമന്‍സ് അയക്കുന്നത്. ഫെബ്രുവരി 26നാണ് ഇഡിക്ക് മുന്നില്‍ ഹാജരാകാന്‍ അദേഹത്തോട് ആവശ്യപ്പെട്ടിരിക്കുന്നത്.
ദല്‍ഹി എക്‌സൈസ് നയം 2021-22 കേസിലെ ക്രമക്കേടുകളുമായി ബന്ധപ്പെട്ട കള്ളപ്പണം വെളുപ്പിക്കല്‍ അന്വേഷണത്തില്‍ ഫെബ്രുവരി 14ന് എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) ദല്‍ഹി മുഖ്യമന്ത്രിക്ക് ആറാമത്തെ സമന്‍സ് അയച്ചിരുന്നു.
ഫെബ്രുവരി 19ന് ചോദ്യം ചെയ്യലിന് വിധേയമാകണമെന്നായിരുന്നു നോട്ടീസ്. നിയമവിരുദ്ധവും രാഷ്‌ട്രീയ പ്രേരിതവുമാണ് എന്നാരോപിച്ച് ഫെബ്രുവരി 2, ജനുവരി 18, ജനുവരി 3, നവംബര്‍ 2, ഡിസംബര്‍ 22 തീയതികളില്‍ ഇഡി നല്‍കിയ അഞ്ച് സമന്‍സുകള്‍ അരവിന്ദ് കെജ്രിവാള് നേരത്തെ ഒഴിവാക്കിയിരുന്നു.
പ്രതികരിക്കാൻ ഇവിടെ എഴുതുക: