മനില: ഫിലിപ്പീൻസ് സൈന്യം മുസ്ലീം തീവ്രവാദികളുമായി നടത്തിയ ഏറ്റുമുട്ടലിൽ ഒൻപത് പേർ കൊല്ലപ്പെട്ടു. ഏഴ് സൈനികരും രണ്ട് വിമതരും കൊല്ലപ്പെട്ടതായിട്ടാണ് സൈനിക ഉദ്യോഗസ്ഥർ തിങ്കളാഴ്ച അറിയിച്ചത്.
രാജ്യത്തിന്റെ തെക്ക് ഉൾപ്രദേശങ്ങൾ ഉൾപ്പെടുന്ന ലനാവോ ഡെൽ നോർട്ടെ പ്രവിശ്യയിലെ മുനായ് പട്ടണത്തിന് സമീപം ഇസ്ലാമിക് സ്‌റ്റേറ്റ് ഗ്രൂപ്പുമായി ചേർന്ന് പ്രവർത്തിക്കുന്ന ചെറിയ സായുധ സംഘമായ ദവ്‌ല ഇസ്ലാമിയയുടെ പോരാളികൾക്കെതിരെയാണ് സൈന്യം ആക്രമണം നടത്തിയത്. ആക്രമണത്തിൽ മറ്റ് നാല് സൈനികർക്ക് പരിക്കേറ്റതായി സൈനിക മേധാവി ജനറൽ റോമിയോ ബ്രൗണർ ജൂനിയർ പറഞ്ഞു.
ഇപ്പോഴും അജ്ഞാതരായ നിരവധി തീവ്രവാദികളെ സൈന്യം വേട്ടയാടുന്നുണ്ടെന്ന് സൈനിക ഉദ്യോഗസ്ഥൻ പറഞ്ഞു. കൊല്ലപ്പെട്ടവർക്കും പരിക്കേറ്റ സൈനികർക്കും നീതി ലഭിക്കുമെന്ന് ബ്രൗണർ ഉറപ്പാക്കി.
പ്രാദേശിക തീവ്രവാദ ഗ്രൂപ്പുകളെ എന്നെന്നേക്കുമായി പരാജയപ്പെടുത്തുക എന്ന ഞങ്ങളുടെ ദൗത്യം പൂർത്തിയാക്കാൻ ഞങ്ങളുടെ സൈനികർ പ്രചോദിതരാണെന്ന് അദ്ദേഹം പറഞ്ഞു.
മറാവി സ്റ്റേറ്റിൽ ഒരു കത്തോലിക്കാ കുർബാനയിൽ പങ്കെടുക്കുന്നതിനിടെ നാല് പേർ കൊല്ലപ്പെടുകയും 50 പേർക്ക് പരിക്കേൽക്കുകയും ചെയ്ത ഡിസംബർ 3 ന് നടന്ന ബോംബാക്രമണത്തിന് പിന്നിലുള്ളവർ ഈ ഭീകര സംഘടനയിൽ ഉള്ളവരാണെന്ന് അദ്ദേഹം പറഞ്ഞു. ഇതിനോടകം തന്നെ ദവ്‌ല ഇസ്ലാമിയയുടെ നേതാവടക്കം 18 പോരാളികളെ സൈന്യം വധിച്ചെന്നും അദ്ദേഹം കൂട്ടിച്ചേർത്തു.
ന്യൂനപക്ഷ മുസ്ലീങ്ങളുടെ ഈറ്റില്ലമായ തെക്കൻ ഫിലിപ്പീൻസിൽ ഇപ്പോഴും വിഘടനവാദ പ്രക്ഷോഭം നടത്തുന്ന ഏതാനും സായുധ സംഘങ്ങളിൽ ഒന്നാണ് ദൗല ഇസ്ലാമിയ.
പ്രതികരിക്കാൻ ഇവിടെ എഴുതുക: