ചെന്നൈ: ലോക്സഭാ തെരഞ്ഞെടുപ്പിലെ സഖ്യപ്രഖ്യാപനം ഉടനെന്ന് നടനും മക്കള്‍ നീതി മയ്യം അധ്യക്ഷനുമായ കമല്‍ ഹാസന്‍. രണ്ടു ദിവസത്തിനകം ശുഭവാര്‍ത്തയുമായി നിങ്ങളെ കാണുമെന്ന് ചെന്നൈയില്‍ മാധ്യമങ്ങളോട് അദ്ദേഹം പറഞ്ഞു.
പാര്‍ലമെന്റ് തെരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങള്‍ മികച്ച രീതിയില്‍ പുരോഗമിക്കുകയാണ്. മികച്ച അവസരം ലഭിക്കുമെന്ന പ്രതീക്ഷയിലാണ്. സഖ്യവുമായി ബന്ധപ്പെട്ട തീരുമാനം രണ്ടുദിവസത്തിനകം പ്രഖ്യാപിക്കും, അദ്ദേഹം പറഞ്ഞു.
മക്കള്‍ നീതി മയ്യം, തമിഴ്നാട്ടിലെ ഭരണകക്ഷിയായ ഡിഎംകെയുമായി സഖ്യത്തില്‍ ഏര്‍പ്പെട്ട് ലോക്സഭാ തെരഞ്ഞെടുപ്പിനെ നേരിടുമെന്നാണ് സൂചന. ഡിഎംകെ., മക്കള്‍ നീതി മയ്യവുമായി സഖ്യം രൂപവത്കരിക്കുമെന്ന തരത്തിലുള്ള സൂചനകള്‍ ഉപമുഖ്യമന്ത്രി ഉദയനിധി സ്റ്റാലിന്‍ കഴിഞ്ഞ സെപ്തംബറില്‍ നല്‍കിയിരുന്നു.
2018ലാണ് കമല്‍ ഹാസന്‍ മക്കള്‍ നീതി മയ്യം രൂപവത്കരിച്ചത്. 2019 ലോക്സഭ തെരഞ്ഞെടുപ്പിലും 2021 തമിഴ്നാട് നിയമസഭാ തെരഞ്ഞെടുപ്പിലും മത്സരിച്ചെങ്കിസും കമലിന്റെ പാര്‍ട്ടി വിജയിച്ചില്ല.
പ്രതികരിക്കാൻ ഇവിടെ എഴുതുക: