മാലി: കടം കൊടുത്ത പണം ചൈന തിരിച്ചുചോദിക്കാന്‍ തുടങ്ങിയതോടെ മാലിദ്വീപും അവിടുത്തെ ഇന്ത്യാവിരുദ്ധ മുയ്സു സര്‍ക്കാരും വിയര്‍ക്കുന്നതായി റിപ്പോര്‍ട്ട്. ചൈന മാലിദ്വീപിന് കടം കൊടുത്ത 300 കോടി ഡോളറാണ് തിരിച്ചുചോദിക്കുന്നത്.
ഈ സാഹചര്യത്തില്‍ കടക്കെണിയില്‍ നിന്നും കരകയറാന്‍ ഇന്ത്യ സഹായിക്കണമെന്ന് കരഞ്ഞ് ആവശ്യമുന്നയിക്കുകയാണ് ഇന്ത്യാവിരുദ്ധനേതാവ് ഹസ്സന്‍ കുറുസ്സി. ഇതോടെ മാലിദ്വീപിലെ സാഹചര്യം കൂടുതല്‍ സങ്കീര്‍ണ്ണമായി.
കൊടുത്തില്ലെങ്കില്‍ മാലിദ്വീപിലെ എന്തെങ്കിലുമൊക്കെ ചൈനയ്‌ക്ക് തീറെഴുതിക്കൊടുക്കേണ്ടിവരുമെന്ന സ്ഥിതിവിശേഷമാണിപ്പോള്‍. നേരത്തെ ചൈനയില്‍ നിന്നും കടം വാങ്ങിയ ശ്രീലങ്കയ്‌ക്ക് ഒടുവില്‍ ഹംബന്‍ടോട്ട എന്ന തുറമുഖം തന്നെ ചൈനയ്‌ക്ക് തീറെഴുതികൊടുക്കേണ്ടി വന്നിരുന്നു. ചൈനയെ തൃപ്തിപ്പെടുത്താന്‍ കഴിഞ്ഞ ദിവസങ്ങളില്‍ ഇന്ത്യയുടെ നാവികരെ മാറ്റിയതുള്‍പ്പെടെയുള്ള കടുത്ത നടപടികളിലേക്ക് ഇന്ത്യാ വിരുദ്ധനായ മാലിദ്ലീപ് പ്രസിഡന്‍റ് മുയ്സു നീങ്ങിയത്.
ചൈനയില്‍ നിന്നും പണം കടം വാങ്ങുന്നത് നല്ലതിനല്ലെന്ന് പണ്ടേ ലോകബാങ്ക് മാലിദ്വീപിനെ താക്കീത് ചെയ്തിരുന്നു. ഇന്ത്യയാകട്ടെ മാലിദ്വീപിനോടുള്ള നിലപാട് കടുപ്പിച്ചതോടെ ഇന്ത്യയില്‍ നിന്നുള്ള ടൂറിസ്റ്റുകള്‍ മാലിദ്വീപ് സന്ദര്‍ശിക്കുന്നതിന് വിമുഖത കാട്ടുകയാണ്. ഇതോടെ ടൂറിസത്തില്‍ നിന്നുള്ള വരുമാനം കുത്തനെ ഇടിഞ്ഞു. ഇതും മാലിദ്വീപിന്റെ വരുമാനത്തെ വലിയ തോതില്‍ ബാധിക്കുകയാണ്.
പ്രതികരിക്കാൻ ഇവിടെ എഴുതുക: